Shu munosabat bilan "SA" sizning etiboringizga eng qimmatbaho uyga ega bo'lgan futbolchilar va ularning boshpanalari haqida malumot berishga qaror qildi.

DEVID BEKXEM - 79 MILLION EVRO

Futbolchilik faoliyatini yaqinda yakunlagan, jahonning eng puldor sportchilaridan biri bo'lgan Bekxem avval yashagan joyi bo'lmish "Bekingem saroyi" o'rniga London shahrining g'arbiy qismidan boshqa bir qasr sotib oldi. Ushbu uy 79 million evro turadi. Bekxemlar oilasining yangi uyida futbolchi va umr yo'ldoshi, uning to'rt nafar farzadiga tegishli xonalardan tashqari hatto Viktoriyaning hayratlanarli oyoq kiyimlar kolleciyasi uchun juda katta alohida xona ham mavjud.

UEYN RUNI - 18 MILLION EVRO

Ueyn Runining turar joyi Manchester shaxridan uncha uzoq bo'lmagan tarixiy Cheshir grafligidagi qishloqlardan birida joylashgan. Ushbu serxasham uyning butun santexnikasi oltin suvi yugurtirilgan metalldan ekani etiborli. 2010 yilda ushbu uyda "Manchester Yunayted" ashaddiy muxlislarining norozilik namoyishlari bo'lib o'tgandi. Ular Ueyn azaliy raqib bo'lmish "Man. Siti"ga o'tib ketishidan havotirlanishgandi. Namoyishchilarni policiya tarqatib yuborgan. Ueyn ham hech qaerga ketmadi.

DIDE DROGBA - 14,5 MILLION EVRO

"Chelsi"da to'p surib yurgan vaqtlari Drogba Londondan rus biznesmeni Yuriy Sheflerdan ushbu uyni sotib olgandi. 2011 yilda notanish kimsalar futbolchining ota-onasi istiqomat qiladigan Kot'd-Ivuardagi uyga o't qo'yib yuborishdi. Lekin Tumanli Albiondagi ettita yotoqxona, ettita katta vanna, ikkita oshxona, antiqa o'simliklar o'sadigan issiqxona, basseynlar kompleksi, trenajer zallari, saunalar, solyarilar va 10ta avtomobilni sig'dira oladigan garajlarga ega bo'lgan uyga hech kim zarar etkaza olgani yo'q.

JON TERRI - 7,5 MILLION EVRO

Ikki oy ilgari "Chelsi" himoyachisi Jon Terri Surrey grafligidagi uyini sotib yubordi. Futbolchining o'sha uyida sakkista vanna, to'qqista yotoqxona, basseyn, sauna, kinoteatr va katta suniy ko'l ham bor edi.

KAKA - 7 MILLION EVRO

Kaka 2009 yilda "Milan"dan "Real"ga o'tgan vaqtida, Madriddan yaxshigina bir uy harid qilgandi. U Madridda Krishtianu Ronaldu, Iker Kasilyas, Karim Benzema, Serxio Ramos va Anxel Di Mariyaga qo'shni edi. Hozir uning dang'illama saroyida Garet Beyl yashayapti. Garet uy ijarasi uchun Kakaga har oy 12 ming evro to'lab turibdi.

FRENK LEMPARD - 7 MILLION EVRO

"Chelsi" etakchisining uylaridan biri 18000 kvadrat metr joyni egallagan. Unda to'qqista yotoqxona, 12ta vanna, usti ochiq va yopiq basseyn, qayiqda suzish uchun maxsus joy bor.

KRISHTIANU RONALDU - 6 MILLION EVRO

"Real" hujumchisi Krishtianu Ronaldu "MYU"da sotib olgan o'zining Manchesterdagi uyini sotishiga to'g'ri keldi. Sotish sababi? "Real" yulduzining Manchesterdagi qo'shnilari uning uyi qolgan uylar va yaqin atrofdagi binolar fonida o'z arxetekturasi bilan haddan tashqari ajralib turganidan shikoyat qilishdi.

MARIO BALOTELLI - 5 MILLION EVRO

"Manchester Siti"ning sobiq hujumchisi Tumanli Albiondagi faoliyati davomida faqatgina maydonda janjallashish bilan cheklanib qolgan emas. 2011 yil noyabrida futbolchi bayram salyutlaridan extiyotsizlik bilan foydalanish oqibatida sal qolsa o'zi yashab yurgan hududdagi honadonlarga o't qo'yib yuborishiga sal qoldi. Bu voqea oqibatida u o'ziga boshqa uy topishiga to'g'ri keldi.

LIONEL MESSI - 5 MILLION EVRO

Sayyoramizning eng yaxshi futbolchisi imkon qadar o'zini kamtar tutishga urinadi. U yashaydigan uy haqida ham uncha ko'p malumot yo'q. Faqat bu uyda spa-salon, mini-kinoteatr, futbol maydonchalari bor ekani malum. Biroq Messi bu uydan ko'chmoqchi. U futbol to'pi ko'rinishidagi yangi uy sotib olishga qaror qildi. Bu antiqa hovli Barselona shaxrining elit qismida joylashgan. U erda Messiga Xaver Maskerano qo'shni bo'ladi. Bu uyni qurish uchun Messi mashxur arxitektor Luis de Garridoni ishga jalb qilgan.

ANDRES INESTA - 4,6 MILLION DOLLAR

Andres Inestaning uyini tanib olish qiyin emas. Uyning peshtoqiga Iniesta yozuvi tushirilgan, shuningdek, "Barselona" va Ispaniya terma jamoasida o'ynaydigan raqami "6" tushirilgan.

Abror Qodirov tayyorladi

Futbolchilarning 10ta eng qimmat uylari