Bugun bu o'yin katta daromad manbaiga aylanib qolgan. Zamonamizda futbol agenti - har qanday klub eshiklarini ochib beruvchi, futbolchining eng yaxshi do'sti hisoblanadi. Ko'p holatlarda o'yinchining kelajagi agentga bog'liq bo'lib qoladi. Etiboringizga dunyoning eng muvaffqiyatli va qiziqarli agentlari hamda agentliklarini taqdim etamiz.

"Mondial Sport Management & Consulting Sarl"

Futbolchilar soni: 78

Umumiy narxi: 880,25 mln. evro

Bugungi kunda jahonning eng mashhur futbol agentliklaridan biri "Mondial Sport Management & Consulting Sarl" hisoblanadi. Kompaniyani bugungi kunda o'z ishining ustalaridan biriga aylangan nemis agenti Konstantin Dumitrasku yaratgan. Kompaniya har qanday futbolchi bilan ishlayvermaydi va shu sababli ham mashhur. 78 futbolchi - "MSM & CS" aynan shuncha futbolchi bilan ishlaydi. Ularning 70%dan ko'prog'i Evropada mashhurlikka erishgan, qolganlari esa yosh. "MSM & CS" murabbiylar bilan ham ishlaydi va hozirda ular Slaven Bilich, Dunga hamda Ziko bilan hamkorlikni yo'lga qo'ygan.

Mashhur mijozlari:

Edinson Kavani
Felipe Koutino
Duglas Kosta
Nemanya Matich
Dimitri Paye
Ngolo Kante
Riyad Marez
Rafael Varan
Fernandino
Olive Jiru

"Gestifute" (Jorje Mendesh)

Futbolchilar soni: 90

Umumiy narxi: 630,68 mln. evro

Portugaliya futbol agentligi "Gestifute" 1996 yildan beri mavjud. Kompaniya rahbari matbuot orqali tranferlarga qiziqish uyg'ota oladigan va juda yirik shartnomalar tuzishga qodir Jerje Mendeshdir. Hozir Mendesh jahonning eng nomdor agentlaridan biri hisoblanadi. "Gestifute" jahonning eng yaxshi futbolchisi Krishtianu Ronaldu va zamonamizning boshqa mashhurlari bilan ishlaydi. Mendesh bilan hamkorlik qilayotganlar orasida murabbiylar ham bor: Joze Mourino, Paulu Fonseka ("Shaxtyor"), Mark Vilmots, Nunu Espirito Santo ("Portu").

Mashhur mijozlari:

Krishtianu Ronaldu
Xames Rodriges
Anxel Di Mariya
Diego Kosta
Vilyam Karvalyu
Andre Gomesh
Renatu Sanshesh
Tyago Silva
Falkao
Elyakim Mangalya
Esekel Garay

"Stellar Football Ltd"

Futbolchilar soni: 99

Umumiy narxi: 356 mln. evro

Yana bir qiziqarli agentlikning tomirlari Germaniyada, ammo ular asosan britaniyalik futbolchilar bilan ishlashadi. Kompaniyani Devid Manassi va Jonatan Barnettlar boshqaradi. "Stellar Football Ltd" murabbiylar bilan hamkorlik qilmaydi, faqat futbolchilar. Ularning eng mashhur ishi Garet Beylning "Real"ga o'tishi bo'lgan.

Eng mashhur mijozlari:

Garet Beyl
Gjegoj Krixovyak
Lyuk Shou
Jo Xart
Gulf Sigurdsson
Deni Drinkuoter

Mino Rayola

Futbolchilar soni: 51

Umumiy narxi: 290,80 mln. evro

Mavsumlar oralig'idagi transfer oynasida ovoza bo'lgan gollandiyalik agent Mino Rayolani ro'yxatga qo'shmasak adolatsizlik bo'lar edi. Yozda Rayola o'zining uch mijozini "Manchester Yunayted"ga o'tkazdi. Feli og'ir bo'lgan Rayola juda yaxshi ishlaydi va yozning o'zida 160 mln. evrolik transferlarni amalga oshirdi.

Eng mashhur mijozlari:

Pol Pogba
Romeu Lukaku
Genrix Mxitaryan
Bles Matyuidi
Zlatan Ibragimovich
Mario Balotelli

"ROGON SPORTMANAGEMENT GMBH & CO. KG"

Futbolchilar son: 86

Umumiy narxi: 263,90 mln. evro

Ushbu mashhur nemis kompaniyasi asosan yosh va iqtidorli Bundesliga futbolchilari bilan ishlaydi. Ammo ularning orasida yoshi kattalari ham mavjud. Maslan, ayni damda murabbiy vazifasini izlayotgan 47 yoshli xorvatiyalik Andrea Panadich RSG mijozi hisoblanadi.

Eng mashhur mijozlari:

Roberto Firmino
Yulian Draksler
Rikardo Rodriges
Luis Gustavo
Mario Fernandes
Rafinya

"MJF Publicidade e promocoess"

Futbolchilar soni: 35

Umumiy narxi: 196,68 mln. evro

MJF Braziliya futbol agentligi so'nggi yillarda eng katta daromad topayotganlardan biri hisoblanadi. O'z mijozini reklama qilib, uni katta mablag'ga pullay oladiganlar Xuan Figer va Vagner Ribeyrodir. Bu agentlikning mijozlari asosan lotin amerikalik futbolchilardir.

Eng mashhur mijozlari:

Neymar
Lukas
Xalk
Marlos

"ProStar"

Futbolchilar soni: 173

Umumiy narxi: 145,13 mln. evro

MDHdagi eng mashhur agentlik "ProStar" kompaniyasidir. Ushbu kompaniya asosan sobiq sovet mamlakatlarining futbolchilari bilan ishlaydi. Agentlikning eng mashhur mijozi Andrey Yarmolenkodir.

Eng mashhur mijozlari:

Andrey Yarmolenko
Yaroslav Rakickiy
Taras Stepanenko
Viktor Kovalenko
Sergey Sidorchuk
Andrey Pyatov
Evgeniy Seleznev
Aleksandr Gladkiy
Filipp Budkovskiy
Denis Boyko

Pere Gvardiola

Futbolchilar soni: 3

Umumiy narxi: 122 mln. evro

Futbol agentlari orasida Pere Gvardiola ham ancha mashhur hisoblanadi. Pere - Xosep Gvardiolaning ukasi va akasining agenti. Futbolchilar orasida u 3 mijoz bilan ishlaydi - Luis Suares ("Barselona"), Tyago Alkantara ("Bavariya") va yosh markaziy hujumchi Nestor Sanches ("Las-Palmas").

Eng mashhur mijozlari:

Luis Suares
Tyago Alkantara

Futbolchining eng yaxshi do'sti: Jahonning eng nufuzli agentliklari