Shuhrat Tashmedov (“Paxtakor” futzal jamoasi bosh murabbiyi):

- Bugun xatolarimiz ko'p bo'ldi. Hisobni raqib ochgan bo'lsada, iroda ko'rsatib, 3:2 hisobida oldinga ham chiqib oldik. Biroq, shundan so'ng o'yinimiz biroz sustlashdi va ketma-ket gollar o'tkazib yubordik. Mavsum endi boshlandi. Ertaga “Neftchi” bilan kuch sinashamiz. Tayyorgarlikni davom ettiramiz.

Fuzuli Xayrullaev (Oil Star jamoasi bosh murabbiyi):

- Barcha jamoalarni yangi mavsum bilan tabriklayman. Birinchi o'yin biroz o'g'ir kechdi, lekin bari-bir g'alaba qozondik. Oldimizga qo'yilgan maqsad sari davom etamiz. Bugungi o'yinni esdan chiqarib, ertangi uchrashuvga tayyorgarlikni boshlaymiz.

Oybek Polvonov (“Nasaf” futzal jamoasi o'ynovchi murabbiyi):

- Juda qiyin o'yin bo'ldi, chunki “Maksam Chirchiq” oldindan shakllangan jamoa. Ko'plab vaziyatlardan foydalana olmadik. Qolaversa, asosiy darvozabonimiz mashg'ulotlar vaqtida ko'zidan jarohat olgandi. Bu darvozabonimiz esa yangi. Xatolarimiz bor va ishlashda davom etamiz.

Abdujabbor G'afforov (“Maksam Chirchiq” bosh murabbiyi):

- Birinchi taymda futzalchilarim vaziyatni nazorat qildi. Ular yosh bo'lishgani uchun ikkinchi bo'lim ozgina kuchlari etmay qoldi. Shu sababli ikkinchi taymda ko'p xato qildik va taymni yutqazdik. Lekin eng muhimi 3 ochkoni qo'lga kiritdik.

Farhod Mirahmedov (“Lokomotiv” futzal jamoasi murabbiyi):

- Chempionat boshlangani bilan hammani tabriklayman. Birinchi o'yin har doim qiyin bo'ladi. Jamoamizning yangi futzalchilarini sinovdan o'tkazib oldik. Ular ham to'liq tayyorgarliksiz maydonga chiqish qanaqa oqibatlarga olib kelishini bilishdi.

Farruh Zokirov (“Neftchi” futzal jamoasi bosh murabbiyi):

- Chempionat boshlangani bilan barcha muxlislarni tabriklayman. “Lokomotiv” bizga mos jamoa edi. Birinchi taymda tengma-teng kurash bo'layotgan paytda himoyamizdagi bazi bir xatolar golga olib keldi va 2-taymda teng kurashgan bo'lsakda, birinchi taymdagi hisob o'z so'zini aytdi deb o'ylayman. Keyingi uchrashuvlarda yana yaxshiroq o'ynashga harakat qilamiz”.

Futzal. 1-turning dastlabki kungi bahslaridan so'ng murabbiylar qanday fikrda?