Uchrashuvlarga Toshkentdagi "O'zbekiston" sport majmuasi mezbonlik qilmoqda. Bugun turning markaziy to'qnashuvi bo'lib o'tdi. Unda ayni paytdagi peshqadam "Paxtakor" amaldagi chempion AGMK bilan kuch sinashdi. Bahsda hisobni "sherlar" ochishdi. 3-daqiqada Sunnatilla Jo'raevning jarimadan tepgan zarbasi Rustam Umarov darvozasidan joy oldi. Shundan keyin tabloda faqat AGMK nomi ostidagi raqam o'zgardi. Yani, Aleksandr Petrov shogirdlari 5 bor toshkentliklar darvozasini ishg'ol qilishdi. Odatda katta o'yinlarni katta o'yinchilar yutishadi. Bugun ham shunday bo'ldi. 1-bo'limda hisob 1:1 bo'lib turgan bir paytda olmaliqliklar kiperi Rustam Umarov ikki bor dabl penaltini qaytardi va jamoasini g'alaba uchun kurashda saqlab qoldi.

Chempionatning markaziy o'yinidan suratlarni saytimizning maxsus bo'limi orqali tomosha qilishingiz mumkin. >>>>> FOTOGALEREYA

Foto: Tolibjon Qosimov

Futzal

XXIV O'zbekiston chempionati, 6-tur

15.10.2020, "O'zbekiston" sport majmuasi

Hakamlar: Anatoliy Rubakov, Shavkat Muxitdinov, Hushnud Atamurodov.

"Paxtakor" - AGMK 1:5

Gollar: S.Jo'raev 3 - D.Valijonov 14, D.Choriev 22, 37, A.Ibragimov 33 (avtogol), A.Rahmatov 37

Amalga oshirilmagan dabl penaltilar: A.Abduvaliev 18, F.Faxriddinov 19

"Paxtakor" (birinchi beshlik): 13.Akmal Xazratqulov, 7.Sunnatilla Jo'raev, 8.Farhod Abdumavlonov, 14.Konstantin Sviridov, 27.Feruz Faxriddinov.

Zaxira: 1.Ravshan Eliboev, 3.Mashrab Odilov, 9.Dilmurod Shavkatov, 11.Avazbek Abduvaliev, 18.Ilhom Rajabov, 23.Sherzod Mustafoev, 77.Alisher Ibragimov, 99.Muhammad Zoirov.

AGMK (birinchi beshlik): 1.Rustam Umarov, 5.Ilhom Hamroev, 6.Abdulla Solihov, 8.Husniddin Nishonov, 22.Anasxon Rahmatov.

Zaxira: 12.Akobirjon Shokirjonov, 2.Abbosbek O'lmasbekov, 3.Temur Berdiev, 4.Ixtiyor Ropiev, 7.Davron Abdurahmonov, 9.Alan Aminov, 10.Davron Valijonov, 15.Po'lat Olimov, 17.Muzaffar Ahadjonov, 19.Davron Choriev.

Ogohlantirish: D.Valijonov 18

Futzal. Amaldagi chempion AGMK peshqadam "Paxtakor"ni yirik hisobda taslim qildi GALEREYA