Turnir qachon va qaerda bo'lib o'tadi

Niderlandiyada futzal bo'yicha Evropa chempionati bo'lib o'tadi. Oxirgi marta niderlandlar o'tgan asrda, aniqrog'i, 1989 yilda yirik futzal turniriga mezbonlik qilgandi. Keyinroq ushbu zaminda jahon chempionati o'tkazildi.

Turnir 19 yanvarda boshlanib, 6 fevralda yakunlanadi. Ochilish o'yiniga ham, finalga ham Amsterdam mezbonlik qiladi. Shu bilan birga, musobaqaning bir qator o'yinlari Niderlandiyaning boshqa bir shahri – Groningenda bo'lib o'tadi.

Format

Futzal bo'yicha Evropa chempionati 12 tadan 16 ta jamoaga ko'paytirildi. Ular har biri to'rtta jamoadan iborat to'rt guruhga bo'lingan. Turnir formati oddiy – o'z guruhlarida birinchi va ikkinchi o'rinlarni egallagan jamoalar keyingi bosqichga yo'l olishadi. Chorak final kross tartibda (ikkinchi o'rin bilan birinchi o'rin), A va V guruhlari vakillari, shuningdek, C va D guruhdagilar bir-biri bilan kesishadi.

Guruhlar

Yuqorida aytib o'tganimizdek, har bir guruhda to'rtta jamoa ishtirok etadi. Quyida jamoalarning kvartetlar bo'yicha taqsimlanishini keltiramiz. Qavslar ichida jamoalarning Evropa chempionatlari final bosqichlarida ilgari necha marta ishtirok etgani ko'rsatilgan. Umuman olganda, turnir 11 marta o'tkazilgan.

A: Niderlandiya (5), Serbiya (6), Ukraina (10), Portugaliya (9).

V: Qozog'iston (2), Italiya (11), Sloveniya (6), Finlyandiya (0).

S: Rossiya (11), Polsha (2), Slovakiya (0), Xorvatiya (5).

D: Gruziya (0), Ispaniya (11), Ozarbayjon (5), Bosniya va Gercegovina (0).

Favoritlar

Ispaniya har doim futzal bo'yicha Evropa chempionatining asosiy favoriti hisoblanadi. "Qizil Furiya" 11 musobaqadan 7 tasida g'alaba qozongan. To'rt yil oldin ispanlar finalda Portugaliyaga yutqazib, chempionlikni himoya qila olmagandilar. "Evropaning Braziliyasi" endilikda kubokni o'z qo'llarida saqlashga harakat qilishadi.

Favoritlar qatorida Rossiya ham bor. Rossiya oxirgi to'rt turnirda ikkinchi (3 marta) yoki uchinchi (1 marta) o'rinni egalladi.

Italiya ham favoritlar ro'yxatida, biroq so'nggi ikki qita musobaqasida "adzurra" hatto yarim finalga ham chiqa olmagan.

Futzal bo'yicha Evropa chempionati haqida