Unga ko'ra, O'zbekiston futzal termasi Markaziy va Janubiy Osiyo mintaqasi “A” guruhidan joy oldi va OCH final bosqichi yo'lida Qirg'iziston, Turkmaniston hamda Nepal termalariga qarshi bahs yuritadi.

Markaziy va Janubiy hamda G'arbiy Osiyo mintaqasining saralash o'yinlari shu yilning 13–22 oktyabr kunlari bo'lib o'tadi. Mezbon mamlakat vakili keyinroq elon qilinadi. Sharqiy Osiyo mintaqasi saralash bosqichi bellashuvlari esa 1–11 noyabr kunlari o'tkaziladi.

Qayd etish joiz, saralash bosqichida jami uchta - Sharqiy, Markaziy va Janubiy hamda G'arbiy Osiyo mintaqasidan 22 terma jamoa 6 guruhga bo'lingan holda ishtirok etadi. Bundan tashqari, Janubi-sharqiy Osiyo futbol feredaciyasi - ASEAN tashkilotga azo mamlakatlar o'rtasida shu yilning 23 oktyabr - 3 noyabr kunlari mintaqa chempionatini o'tkazadi. Unda ikkita guruh ishtirok etadi va unda 1-2 o'rinlarni egallagan terma jamoalar OCH final bosqichiga yo'l oladi.

Guruhlarda 1–2 o'rinlarni egallagan jami 16 terma jamoa futzal bo'yicha Osiyo chempionati final bosqichiga yo'llanma oladi. Futzal bo'yicha OCH final bosqichi 2018 yilning 6–18 fevral kunilari bo'lib o'tadi.

Futzal bo'yicha Osiyo chempionati–2018 saralash bosqichiga qura tashlandi