O'yindan so'ng uchrashuvda xet-trik qayd etgan Dilshod Rahmatovning fikrlari bilan qiziqdik.

"Jamoamiz Mendez qo'l ostida yangi uslubga o'tdi. "Kogon" o'yinning boshida o'z xatosi evaziga to'p o'tkazib yubordi va ruhan biroz cho'kdi, biz esa bundan foydalanib qoldik. Men "Kogon"da o'ynaganman, hozir klub yangi va yosh o'yinchilarni tarkibga jalb qilibdi.

Bosh murabbiyimizning ko'rsatmalarini imkon qadar to'g'ri bajarishga harakat qildik, shuning samarasi o'laroq uchta gol urdim. Bunda jamoadoshlarimning yordami beqiyos bo'ldi, ularning to'p uzatishlarisiz uchta to'p kirita olmagan bo'lardim.

Uchrashuvlarda imkon qadar standart vaziyatlardan unumli foydalanishga harakat qilmoqdamiz", - deya fikrlarini bildirdi Dilshod Rahmatov.

Futzal. Dilshod Rahmatov: "Standart vaziyatlar ustida ko'proq ishlayapmiz"