Eron - Qirg'iziston bosh murabbiyi murabbiylari o'z fikrlarini bildirishdi.

Muhammad Nazem: Ertangi o'yin juda ham qiziqarli kechishi kutilmoqda. Chunki ertangi uchrashuvlarda mundial chiptasi o'ynaladi. Raqibimiz Qirg'iston haqida iliq fikrlar bildirsa bo'ladi. Umuman olganda Qirg'iziston kuchli jamoa.

- Qirg'iziston terma jamoasining kuchi nimada?
- Bu musobaqada barcha o'yindan-yinga kuchayib bormoqda. Shu jumladan Qirg'iziston ham.

- Jamoa sardori Muhammad Keshavarz jarohat olgandi. U ertaga maydonga tushishga tayyormi yoki o'rniga boshqa futzalchi o'ynaydimi?
- Keshavarz ertangi o'yinda jamoamizga yordam bera olmasligi mumkin. Chunki unda jarohat mavjud. Agarda hammasi joyida bo'ladigan bo'lsa, Keshavarz yarim final va finalda o'ynaydi.

Andrey Polxovskiy: Bu to'qnashuvda fqqol favorit bu Eron. Buni barchamiz va muxlislarimiz ham tushunib turishibdi. Eron raqibigaimkoniyat qoldirmay o'ynaydi. Bu jamoa tarkibida juda kuchli futzalchilar jamlanishgan va murabbiyi ham ancha tajribali hisoblanadi. Biz ertaga autsaydermiz sifatida maydonga tushamiz. Eron uchrashuv mobaynida maydonda deyarli umuman bo'sh hududlar qoldirmay harakat qilishadi.

- Ertangi o'yindan oldin yo'qotishlar bormi?
- Tarkibimizda kichik jarohati bor bo'lgan o'yinchilar bor. Lekin shifokorlarimiz ish olib borishmoqda, ertaga eng kuchli tarkib bilan o'ynaymiz.

- Ertangi bahsda shoigrdlaringiz ruhiy tomonlama tayyormi?
- Ha, biz ruhan tayyormiz. Bu kabi o'yinlarda odatda kuchli jamoa g'alaba qozonadi. Agarda raqib kuchli va ikkinchi jamoa raqibidan kuchsiz bo'lsa, unda tashkil etiladigan 500 ta o'yindan faqatgina bittasida kuchsiz jamoa g'alaba qozonishi mumkin. Ertaga balki shunday bo'lib qolar. Har holda biz guruhdan chiqsak Eronga duch kelib qolishimizni bilardik.

“Dina” va “Norilskiy Nikel” klublariga qarshi o'rtoqlik uchrashuvlarini o'tkazdingiz. Bu orqali Eronga qarshi o'yinga tayyorlandingizmi?
- Yo'q. Rossiya klublari safida Hassanzoda yoki boshqalar yo'q (kuladi). To'g'ri bu klublar kuchli, ammo Eronning saviyasi baribir yuqori.

Shahboz Beg'amov

Futzal. Eron - Qirg'iziston uchrashuvidan oldin murabbiylar fikrlari