Унда қўшниларимиз 3:1 ҳисобида ғалаба қозонишди. Учрашувдан сўнг терма жамоамиз аъзоси Жавлон Аноров интервью берди.

- Дастлаб Январь ойидаги Тошкентда ўтган йиғин ҳақида нима дея оласиз? мураббийлар нималарга кўпроқ аҳамият беришди?
- Январь ойидаги йиғинда мурабийларимиз бизга асосан физик ва тактик жиҳатдан машғулотлар олиб боришди.

- Осиё чемпионати гуруҳимиздаги рақиблар ҳақида нима дея оласиз? Уларни кучли ва кучсиз томонлари нимада?
- Ливан ва қирғизлар билан ўйнаганмиз. Ҳозирги пайтда кучсиз жамоани ўзи йўқ, эшитишимизча улар ҳам қаттиқ тайёргарлик кўришмоқда. Саудия Арабистони ҳали Осиёда қатнашмаган, шунинг учун уларни қандай ўйнашини билмаймиз.

- Ҳозирги жамоамизнинг салоҳияти Осиё чемпионатида қайси ўринни олишга қодир деб ўйлайсиз?
- Худо хоҳласа финалгача боришни олдимизга мақсад қилганмиз. Бизни йигитлар ҳаммаси тайёргарликни энг юқори темпда олиб боришмоқда. Мураббийимиз кўрсатаётган тактикаларни ўзимизга сингдириб бормоқдамиз.

- Пулпис билан анчадан буён ишлаяпсизлар. Унинг бошқалардан ажралиб турадиган томони нимада?
- Пулпис тренеровка пайтида жиддий, у ўзини мутахассислиги бўйича усталиги шундоқ кўриниб туради. Тренеровкадан ташқари ўзимизга ўхшаган инсон, ҳазиллашиб туради.

- Қозоғистон билан иккита ўйин ўтказамиз. Бу ўйинлар бизга қанчалик фойдали бўлади деб ўйлайсиз?
- Қозоғистон билан оддий ўртоқлик учрашуви дея олмайман, чунки биз ўзимизни хатоларимиз устида ишлаяпмиз. Ҳозирдан Осиё чемпионатига тайёргарлик қилаяпмиз, йигитлар ўзига ишончи ортиши учун бизга ғалаба муҳим деб ўйлайман.

Футзал. Жавлон Аноров: "Ўзимизга ишонч ортиши учун ғалаба муҳим деб ўйлайман"