Vakillarimiz dunyo reytingida 5-o'rinda borayotgan va o'tgan jahon birinchiligida bronza medalini qo'lga kiritgan Eronga qarshi mardonavor kurash olib borishdi.

Forslar bir o'yinda sakkizta va undan ko'p gol o'tkazib yuborgan holatlar juda kamyob hisoblanadi. Rasmiy musobaqalarda faqatgina Ispaniya va Braziliya bunga erisha olgan.

Endi esa ularning safiga O'zbekiston ham qo'shildi. Albatta, bu natija g'alaba orqali qo'lga kiritilishini ko'pchilik muxlislarimiz juda istashgandi.

Rasmiy musobaqalar:

JCH-1992

Ispaniya – Eron 9:6

JCH-1996

Braziliya – Eron 8:3

JCH-2021

O'zbekiston – Eron 8:9

Shunday qilib, vakillarimiz nimchorak finalda "Osiyo Braziliyasi"ga 8+ gol urishning uddasidan chiqib, bu borada 5 karra jahon chempioni Braziliya hamda 2 marta dunyoda tengsiz deb topilgan Ispaniya bilan bir qatorga joylashdi.

Boshqa turnirlar va o'rtoqlik uchrashuvlari:

Rio-de-Janeyro-2000. Braziliya – Eron 8:1

2004 yilgi o'rtoqlik o'yinlari

Eron – Rossiya 3:8

Braziliya – Eron 8:2

Braziliya – Eron 10:4

Kaspiy kubogi-2019

Rossiya – Eron 9:3

Shu tariqa, eronlik futzalchilar o'z tarixida ilk bor 8+ gol o'tkazgan holda g'alabaga erishishdi. Muhammad Nozimashariy shogirdlariga JCH-2021 chorak finalida Qozog'iston raqiblik qiladi. Mazkur bahs 27 sentyabrga belgilangan.

Futzal. JCH. Rasmiy musobaqalarda Eronga faqat ikki terma jamoa 8+ gol urgandi