Unda tarixda birinchi marotaba O'zbekiston terma jamoasi ham qatnashadi. Bugundan boshlab shu kunga qadar o'tkazilgan barcha mundiallar haqida malumotlarni etiboringizga havola etib boramiz.

JCH-1989

Mini futbol bo'yicha ilk Jahon chempionati 1989 yili Gollandiyada o'tkazilgan. O'sha yili Gollandiya futbol federaciyasi o'zining yuz yilligini ham nishonlagan, shu sababli ham musobaqa ikki hissa bayramona ruhda o'tgan. Unda jami 16 jamoa jahon toji uchun kurash olib borgan. Braziliya birinchi bosqichni Vengriyadan uchralgan mag'lubiyat (2:3) bilan boshlagan bo'lsada, keyinchalik ikkinchi bosqichga yo'l oladi va yakunda oltin medallarni o'ziniki qiladi. Braziliyaliklar hal qiluvchi bahsda mezbonlar Gollandiya terma jamoasini 4200 muxlis qarshisida kichik hisobda taslim etishadi. Uchinchi o'rin esa kutilmaganda AQSHga nasib etadi.
Ana shu musobaqada Osiyo nomidan Saudiya Arabistoni hamda Yaponiya ishtirok etgan.

JCH-1989, Final
15.01.2016, "Axoy" sport saroyi

Braziliya - Gollandiya 2:1
Gollar: Benatti 10, Raul 46 - Lusveld 43

Braziliya: Lula, Serjino, Kadino, Dirseu, Gilson, Markinos, Benatti, Atila, Raul, Toka, Karlos Alberto, Neymar, Adilio.

Gollandiya: Ton Baxuis, Jeffrey Fore, Andre Tilens, Viktor Xermans, Marsel Lusveld, Rein Hoyvel, Vilyan van Viyfeyken, Mario Faber, Eduard Demandt, Hans van Leuven, Andre Bakker, Michel Seintner, Michel Ventzel.

Futzal bo'yicha Jahon chempionati-1989
O'tkazilgan joyi: Gollandiya
O'tkazilgan shaharlar: 5 (Amsterdam, Arnem, Leuvarden, Xertogenbosa va Rotterdam)
O'tkazilgan sanasi: 5 - 15 yanvar, 1989 yil
Ishtirokchilar: 16 (6 qitadan)
Muxlislar tashrifi: 86500 (har o'yinga 2163)
Urilgan gollar: 221 (har o'yinga 5.53ta gol)
To'purar: Laslo Cadani (Vengriya, 7ta gol)
Eng yaxshi o'yinchi: Viktor Xermans (Gollandiya)
"Fair-Play" sovrini: AQSH

Sovrindorlar
Chempion - Braziliya
Ikkinchi o'rin - Gollandiya
Uchinchi o'rin - AQSH

Tolibjon Qosimov

Futzal. Mundiallar tarixi. JCH-1989