Bunda O'zbekiston sharafini AGMK futzal klubi himoya qiladi. Malumki, ushbu jamoa mazkur musobaqada uchinchi bor ishtirok etyapti. Lekin nima uchundir OFK rasmiy sayti barcha guruhlarni tanishtirayotganda "D" guruhida kurash olib boradigan AGMKni turnir debyutanti deb berdi.

Tanishtiruvda shunday deyilgan: O'zbekiston nomidan bu musobaqada yangi chempion AGMK futzal klubi qatnashadi. Avvalgi ikki yil "Olmaliq" ishtirok etgandi, 2014-2015 yillari "Lokomotiv" qatnashgan. O'zbekiston terma jamoasi Xitoy Taypeyida o'tkazilgan OFK futzal chempionatida 3-o'rinni egallagandi. AGMK ham shu natijani takrorlay olishini vaqt ko'rsatadi".

Aslini olganda, AGMK futzal bo'yicha klublar o'rtasidagi Osiyo chempionatida ketma-ket uchinchi yil ishtirok etadi. Faqat jamoa nomi "Olmaliq"dan AGMKga o'zgargani OFKdagilarni befarq qoldirgan bo'lsa kerak. To'g'ri, AGMK nomi musobaqada debyutant, lekin jamoa emas.

Futzal. OFK sayti AGMKni debyutant deb yozdi