Uchrashuvlar nihoyasiga etgach, bosh murabbiylar fikrlarini bildirishdi.

Aleksandr Petrov (AGMK futzal jamoasi bosh murabbiyi):

- Juda qiziqarli o'yin bo'ldi. Qiyin g'alabaga erishdik. O'z xatolarimiz evaziga 2 ta gol o'tkazib yubordik. "Dinamo" jamoasiga yaxshi o'yin uchun minnatdorman.

Dilshod Haydarqulov ("Dinamo" futzal jamoasi bosh murabbiyi):

- Birinchi bo'limda jamoamiz g'alaba qozonayotgan edi. Ikki marta hisobda oldinda bora turib, imkoniyatni boy berdik. Tajribamiz etishmadi deb o'ylayman. Yosh jamoa bo'lishiga qaramay, vice-chempionga qarshi munosib qarshilik ko'rsatdik. Futzalchilarim ko'rsatgan o'yindan ko'nglim to'q.

Samarqand shahrida futzal akademiyasi tashkil etilgan. Bolalarni 6-7 yoshidan futzalga jalb qilib, mahoratli sportchilarni tarbiyalamoqchimiz.

Iskandar Mahmudov (“Stroitel-Zarafshon” futzal jamoasi bosh murabbiyi):

- Jamoa ko'rsatmalarni bajara olmayapti. Sababi o'yin amaliyotimiz kam bo'lgan. Bu qiyinchilik tug'dirmoqda. Mashg'ulotlarning tasiri boshqa, lekin o'rtoqlik uchrashuvlarini o'tkazishimiz lozim.

Yosh futzalchilarni qidirishda davom etmoqdamiz.

Uchrashuvdan so'ng yig'ilish o'tkazamiz va xatolarimizni ko'rib chiqamiz.

Alisher Yusupov (“Nasaf” futzal jamoasi bosh murabbiyi):

- Futzalchilarim o'yinidan qoniqdim. But nechta futzalchilarning jarohati bor.

Ko'p vaziyatlar yaratdik. Ulardan unumli foydalana oldik.

Ertangi o'yinlarga bundanda yaxshiroq tayyorgarlik ko'ramiz. Barcha jamoalarni hurmat qilgan holda maydonga tushamiz. Faqat g'alaba uchun kurashamiz.

Ahadjon Yusupov (“Lokomotiv” futzal jamoasi bosh murabbiyi):

- Futzalchilar barcha ko'rsatmalarimizga amal qilgan holda harakatlanishdi. Biz o'ylagan rejalarning barchasini amalga oshirishni uddaladik.

“Paxtakor” jamoasida charchoq sezilgandek bo'ldi. Vaziyatlardan foydalana olishmadi deb o'ylayman. Ular besh kishi bo'lib chiqqanda biz to'g'ri himoyalandik. Bundan tashqari, darvoza bo'sh qolib ketgan edi, ikkita golimiz bo'sh darvozaga kiritildi. Yirik hisobni sababi ham shunda.

Shuhrat Tashmedov (“Paxtakor” futzal jamoasi bosh murabbiyi):

- O'yin boshida omadimiz kelmadi. 2-3 vaziyatni golga aylantira olmadik. “Lokomotiv” juda yaxshi jamoa. Chempionlik uchun kurashayotgan jamoa.

Birinchi bo'limni o'zidayoq 5 kishi bo'lib o'ynadik. Barchasini boshida qilmoqchi bo'ldik, rejamizni amalga oshira olmadik.

Yosh futzalchilarimiz ko'p. Ularga tajriba oshirish uchun vaqt kerak. Shuning uchun tajribali o'yinchilarga tayangan holda taktikamizni quryapmiz. To'rttala golni ham o'zimizga o'zimiz olib keldik.

Futzal. Oliy liga. Bugungi bahslardan keyin murabbiylar fikrlari