O'yindagi hisob 6-daqiqada vakillarimiz tomonidan ochildi. Raqibning himoyadagi xatosidan so'ng Dilshod Irsaliev darvozani ishg'ol qildi - 1:0.

Biroq oradan 3 daqiqa o'tgach hisob tenglashdi. Qudrat Bahodirining uzoq masofadan yo'llagan kuchli zarbasi darvozadan o'rin oldi - 1:1.

14-daqiqada forslar burchak to'pini tezda amalga oshirishdi, buni vakillarimiz kutishmagandi. Keshavarz gol urib Eronni oldinga olib chiqdi - 1:2.

Ikkinchi bo'lim boshida Rahmatovda gol urish uchun ajoyib vaziyat yuzaga kelgandi, zarbaga aniqlik etishmadi. Darvozabonimiz Klim Tyugaev kamida 5 marta eronliklarning kuchli zarbasidan so'ng o'zini ko'rsatdi.

Uchrashuv tugashiga 3 daqiqa qolganida Mendez tavakkal qilib Konstantin Sviridovni o'ynovchi darvozabon sifatida maydonga tushirdi. Biroq so'nggi daqiqalarda vakillarimiz forslar himoyasini yorib o'ta olishmadi. Eron 11-bor Osiyoda chempion bo'ldi. O'zbekiston terma jamoasi esa to'rtinchi bor qita chempionati kumush medallariga ega bo'ldi.

O'zbekiston - Eron 1:2

Gollar: Dilshod Irsaliev 6 - Qudrat Bohodiriy 9, Muhammad Keshavarz 14.

Hakamlar: Kozaki Tomoxiro, Liu Jiankiao, Rey Ritaga, Trong Kvok Dung.

O'zbekiston: 1. Rustam Umarov, 7. Dilshod Rahmatov, 8. Farhod Abdumavlonov, 11. Artur Yunusov, 14. Konstantin Sviridov.

Zaxira: 2. Dilshod Irsaliev, 3. Nodir Eliboev, 4. Feruz Fahriddinov, 5. Davron Choriev, 6. Javlon Anorov, 9. Andrey Shlema, 10. Jamoliddin Sharipov, 12. Akmaljon Xazratqulov, 13. Klim Tyugaev.

Eron: 1. Seper Muhammadi, 5. Hamid Ahmadi, 7. Asqar Hasanzoda, 9. Rizo Sansefidi, 12. Hussayn Toyibi.

Zaxira: 2. Alirozi Samimi, 3. Javad Isfandari, 4. Muhammad Keshavarz, 6. Alirizo Vafoi, 8. Qudrat Bahodiri, 10. Muhammad Tohiri, 11. Mehran Aliqodir, 13. Farhod Tavakkoli, 14. Mahdi Javid.

Futzal. O'zbekiston - Osiyo vice-chempioni bo'ldi