Мусобақада қўшниларимиз Қозоғистон терма жамоаси ҳам иштирок этади. Бир неча кун олдин Қозоғистон футбол федерацияси терма жамоанинг мундиал учун 16 ўйинчидан иборат якуний таркибини эълон қилди. Олдин ЖЧга 14 нафар футзалчини "заявка" қилиш мумкин эди. Бу сафар эса 16 нафар ўйинчини "заявка" қилиш мумкин.

Қозоғистон терма жамоасининг ЖЧ-2021 учун якуний таркиби

Дарвозабонлар: Игита, Нарун Сериков (иккиси - "Кайрат"), Рауан Атантаев ("Атирау");

Ўйинчилар: Тайнан ("Эль-Посо", Испания), Дуглас, Даурен Нургожин, Чингиз Есенаманов, Альберт Акбаликов, Биржан Оразов, Даурен Турсагулов (ҳаммаси - "Кайрат"), Азат Валиуллин ("Ухта", Россия), Арнольд Кнауб, Нурбек Карагулов (иккиси - "Актобе"), Болат Сарбасов, Жомарт Токаев (иккиси - "Атирау"), Турехан Досов ("Байтерек"), Агедиль Мадияров ("Липецк", Россия).

Кўриб турганингиздек, қўшниларимиз бош мураббийи Рикардо Кака охирги рўйхатга 3 нафар асли бразилиялик бўлган маҳаллийлаштирилган футзалчини киритган. Булар: Игита, Тайнан ва Дуглас. Яна бир маҳаллийлаштирилган бразилиялик Лео эса июль ойи бошида ўнг оёғидан операция қилинган ва мундиални ўтказиб юборади.

Қозоғистон терма жамоаси ЖЧ-2021нинг "A" гуруҳида Литва, Коста-Рика ва Венесуэлага қарши баҳс олиб боради.

Эслатиб ўтамиз, Ўзбекистон терма жамоасининг мундиал учун таркиби ҳали эълон қилинмади.

Футзал. Қозоғистон терма жамоаси ЖЧ учун таркибни эълон қилди, унда 3 нафар бразилиялик бор