Safar oldidan terma jamoa bosh murabbiyi Bahodir Ahmedov bilan qisqacha suhbatlashdik.

"Bishkekdagi saralashga yaxshi tayyorlandik. Toshkentda Qirg'iz Respublikasi terma jamoasi bilan ikki marta va Turkmaniston bilan bir bor o'rtoqlik uchrashuvlari orqali so'nggi tayyorgarlikni o'tkazdik. Yakuniy tarkibga Rustam Umarovning kiritilmaganiga kecha uning onasi vafot etdi. Shu bois bunday vaziyatda Rustamni xorijga olib keta olmasdik. Fursatdan foydalanib unga va uning oilasiga yana bir bor chuqur hamdardlik bildiraman. Sunnatilla Jo'raev va Xushnur Erkinovda esa jarohat bor. Shu bois ularni Bishkekka olib borishdan mano ko'rmadim va ularning o'rnini yosh futzalchilar bilan to'ldirdim", - dedi Bahodir Ahmedov.

Eslatib o'tamiz, qura natijalariga ko'ra, O'zbekiston futzal milliy terma jamoasi guruh bosqichida Tojikiston, Afg'oniston va Nepal terma jamoalari bilan kurash olib boradi.

Uchrashuvlar 10-12-aprel kunlari o'tkaziladi. Vakillarimiz ushbu bosqichdagi ishtirokini 10 aprel kuni Nepal terma jamoasiga qarshi o'yin bilan boshlaydi.

Osiyo chempionati saralashiga yo'l olgan yakuniy tarkibimiz:
Darvozabonlar:
Ravshan Eliboev ("Kaspiy", Qozog'iston)
Abbos Elmurodov ("Xuaxin-Jizzax")

Futbolchilar:
Ixtiyor Ropiev ("Xuaxin-Jizzax")
Mashrab Odilov ("Lokomotiv")
Anasxon Rahmatov ("Xuaxin-Jizzax")
Ilhom Hamroev ("Xuaxin-Jizzax")
Husniddin Nishonov ("Xuaxin-Jizzax")
Dilshod Rahmatov ("Xuaxin-Jizzax")
Davron Choriev ("Xuaxin-Jizzax")
Hayrulla Solixov ("Bunyodkor")
Elbek To'lqinov ("Xuaxin-Jizzax")
Davlat Ibragimov (AGMK)
Akbar Usmonov ("Lokomotiv")
Muzaffar Ahadjonov (AGMK)

Futzalchilarimiz Osiyo chempionati yo'llanmasi uchun Bishkekka jo'nab ketishdi