"Galatasaroy" himoyachisi Markan Turkiya chempionati birinchi turi doirasidagi "Giresunspor"ga qarshi o'yinda o'z jamoadoshini urgani uchun qizil kartochka olib, maydonni tark etdi.
Markan 63-daqiqada yarim himoyachi Kerem Akturkoglu bilan janjallashib qoldi va unga ikki marta zarba berdi.
Bosh hakam videotakrorni ko'rib, braziliyalik himoyachini maydondan chetlatishga qaror qildi.
Aytish joiz, Markanning chetlatilishi Turkiya vice-chempionining "Giresunspor" ustidan 2:0 hisobida g'alaba qozonishiga to'sqinlik qilmadi.
