"O'yin qiyin bo'lishini bilgandik va chindan shunday bo'ldi. Futbolchilar bor kuchi bilan harakat qilishdi. Ikki jamoa ham bellashuv so'ngida g'alabani o'z tomoniga og'dirishi mumkin edi. Keyingi o'yinlarda muvaffaqiyat qozonishga harakat qilamiz.

Gol urgan vaziyatimga kelsak, to'p menga kelgan payt raqib darvozasining uzoq burchagi ochiq ekanligini ko'rdim. Shu bois, o'ylab o'tirmasdan oyoq uchida zarba yo'lladim.

"Sho'rtan" har bir uchrashuvda yaxshi o'yin namoyish etmoqda, deb o'ylayman. Bir-ikki mayda detallar natijalarimizga tasir o'tkazmoqda. Bu kamchiliklarni bartaraf etish haqida haqda murabbiylar bosh qotirishmoqda.

To'g'ri, uchrashuv so'ngida bir kishi ko'p bo'lib qolganimizga qaramay, o'yinimizda biroz palapartishlik ko'zatildi. Sababi, futbolchilar toliqib qolishgandi. Ular nafaqat to'p bilan, balki to'psiz ko'p yugurishdi.

Keyingi turda "Qo'qon-1912"ni o'z maydonimizda qabul qilamiz. Har qanday jamoa o'z maydonida yaxshiroq o'yin namoyish etishadi. Bu jamoalar turnir jadvalining oxirgi o'rinlarida boratgani uchun ikki hissa ko'proq kuch bilan harakat qilamiz. "Qo'qon-1912" bilan olti ochkolik o'yin kutib turibdi. G'alaba turnir jadvalida yuqorilashimizga sabab bo'lishi mumkin", dedi g'uzorliklarning yagona goli muallifi.

G'anisher Qodirov: "Qo'qon-1912" bilan olti ochkolik o'yin kutib turibdi"