“Чемпионлар лигасини ютиш, аввалги мавсумда финалга қадар етиб бориш ва сўнгги турларга қадар “Манчестер Сити”ни таъқиб этиш учун ўзгача жамоа бўлиш лозим.

“Ливерпуль” сўнгги 18 ойдан буён чемпионларга хос ўйин намойиш этмоқда. Ҳа улар бу имкониятни қўлдан чиқаришлари мумкин, ҳа, “Сити” яна пешқадам бўлиши мумкин... Ҳаттоки “Челси” ва “Лестер”дан фавқулодда “сакраш”ни кутиш мумкиндир. Аммо буларнинг амалга ошиши эҳтимоли жуда кам.

“Ливерпуль” учун энг катта қўрқув – Мане, Салаҳ ёки ван Дейк сингари етакчи футболчиларнинг жароҳат олиб майдондан узоқда қолишидир. Агар бу футболчиларидан камида икки нафари икки ойга сафдан чиқса, худди “Сити”да Лапорта билан боғлиқ вазиятга ўхшаб, буни катта муаммо деб айтиш мумкин бўлади.

Аммо “Ливерпуль” бу мавсум АПЛ ғолиблиги учун асосий фаворит. Бу фақат жамоалар орасидаги 9 очколик фарқда эмас. Мерсисайдликлар ушбу соврин учун бир неча йиллардан буён катта пойдевор қўйиб келишмоқда ва жорий мавсум якунига кўра улар ва ниҳоят мақсадларига эришишлари мумкин”, дейди Невилл.

АПЛ 12-туридан кейин “Ливерпуль” 34 очко билан АПЛ турнир жадвалида пешқадамлик қилмоқда. Иккинчи ўриндаги “Лестер” пешқадамдан 8 очко ортд қолмоқда.

Гари Невилл: “Ливерпуль” 18 ойдан буён чемпионларга хос футбол намойиш этмоқда”