- So'nggi daqiqada gol o'tkazib yuborish alamli bo'ldi. Raqib juda kuchli ekanligini, oldiga yuqori maqsadlarni qo'yganini inobatga olsak, biz durang natijadan ham mamnunmiz. Garchi ushbu uchrashuvga tayyorlanish jarayonida juda ko'plab muammolarga duch kelgan bo'lsak-da, yigitlar bor kuchi bilan o'ynagani uchun minnatdorman. Balki ushbu natijadan keyin klub rahbariyati ham bizga etibor qaratib, muammolarni bartaraf qilib berar. Bu biz uchun juda og'ir durang bo'ldi. "Dinamo"ga navbatdagi uchrashuvlarda omad tilayman. Ular uchrashuv davomida hududiy ustunlikka ega bo'lishdi.

- Nima deb o'ylaysiz, g'alabani ushlab qolish uchun jamoaga nima etishmadi?

- Biroz etibor etishmadi. So'nggi o'yinlarda bizda charchoq alomati ham sezila boshlandi. Yigitlar jismonan anchagina charchab qolishdi. Chunki jamoaning ushbu o'yin uchun tayyorgarlik rejasi buzilib ketdi. Atigi 2 kun normal darajada mashg'ulot olib bordik. Shu sababli o'yin yakunida bizda etibor va kuch etishmadi. Bu esa ko'p kuch talab qiladi.

- Birinchi bo'limdan keyin yigitlaringizga nimalar dedingiz?

- Ushbu o'yinda g'alaba qozona olishimiz mumkinligini aytdim. Uchrashuv startida yaxshi vaziyatlarga ega bo'ldik. Istasangiz, yaxshi o'yin ko'rsata olasiz, deb tushuntirdim. Shunchaki xarakter ko'rsating va o'zingizni yig'ishtirib oling. Yaxshi suhbat bo'ldi. Yigitlar ikkinchi bo'limga chiqishdi, ikkita gol urishdi va o'zlarini ko'rsata olishdi. So'nggi daqiqada gol o'tkazib yuborish alamli bo'ldi. Raqibning salobatini inobatga olsak, yomon natija emas. Navbatdagi uchrashuvga tayyorgarlikni boshlaymiz.

- Muxlislarga aytar so'zlaringiz bormi?

- Muxlislar bizni qo'llab turishdi, bu yoqimli bo'ldi. Jamoa yaxshi o'ynab turgan payti muxlislar ham yonimizda bo'ladi. Jamoaga qiyin paytida esa ularga ham qiyin bo'ladi. Bugun muxlislarga rahmat aytaman, ularning qo'llab-quvvatlovini doimo sezib turdik.

Gennadiy Kochnev: "So'nggi daqiqada gol o'tkazib yuborish alamli bo'ldi"