O'sha kezlari Geynrixga "Paxtakor" menejeri Samvel Babayandan kutilmagan qo'ng'iroq bo'lgandi: "Sasha, tezda kiyimlaringni yig'ishtir. Ertaga Moskvaga uchasan. Bu men uchun yangi yil hangomasi bo'lib ko'rindi",- deydi Geynrix. Futbolchiga Rossiya grandi CSKA qiziqish bildirdi va shartnoma ham imzoladi. Biroq katta futbolda o'z o'rniga endigina ega bo'layotgan o'yinchi kuchli legionerlar soyasida yo'qolib qoldi. "Armiyachilar" safida bor-yo'g'i ikkita uchrashuvda maydonga tushdi, xolos.

- 2002 yil "Paxtakor" safida porlab chiqqan Geynrix bir yil o'tib CSKAda paydo bo'ldi. Yangi yil sovg'asini qanday qabul qilgansiz? CSKAdan qanday xotiralar qolgan?
- CSKAdagi vaqtlarimni ulkan tajriba orttirganman. Bu davr katta futbolga kirib kelishimda muhim o'rin tutgan. O'sha vaqtda juda yosh edim. Qanday klubga kelib qolganimni to'liq tushunmasdim. Shuning uchun bo'lsa kerak, tajriba va tezlik etarli bo'lmagan. Kerakli kuchim ham yo'q edi. Semakning maydonda qanday ishlashini ko'rardim. Vagner, Karvalyu bilan mashg'ulotlarda birga ishlab, bazada yashar edik. Yaroshik bilan bir xonada istiqomat qilganmiz.

U Moskva klubida bitta gol urgan lekin jamoaning chempionligiga o'ziga hos hissa qo'shgandi. 16-turdan o'rin olgan "Zenit"ga qarshi bahsda Geynrix 56-daqiqada zaxiradan maydonga tushadi. Bu Sasha uchun Rossiya chempionatidagi debyut uchrashuv edi. 79-daqiqada hamyurtimiz o'z debyutini gol bilan bezaydi va jamoasini mag'lubiyatdan qutqarib qoladi - 2:2. Biroz vaqt o'tgach Geynrix penalti ishlashi ham mumkin edi, ammo bosh hakam uning yiqilishini 11 metrli nuqtani belgilash uchun etarli deb hisoblamaydi.

Geynrix o'sha mavsum yana bitta o'yinda zaxiradan maydonga tushgan xolos. CSKA esa chempionatni 59 ochko bilan birinchi o'rinda tugatadi. "Zenit" 56 ochko bilan ikkinchi o'rin bilan kifoyalanadi xolos.

CSKA (Moskva) - "Zenit" (Sankt-Peterburg) - 2:2

11.07.2003. 16-tur. Moskva. "Dinamo" stadioni. 12500 tomoshabin.

VIDEO

Bosh hakam: Aleksandr Evstigneev.

Gollar:

0:1 - Kerjakov Aleksandr (Radimov Vladislav), 12

1:1 - Popov Denis (Gusev Rolan), 31

1:2 - Spivak Aleksandr (Maresh Pavel), 69

2:2 - Geynrix Aleksandr, 79

CSKA (Moskva): 1.Mandrikin Veniamin; 3.Solomatin Andrey; 5.Semak Sergey; 6.Berezuckiy Aleksey; 7.Yanovskiy Igor (11.Gogniev Spartak, 56) (26.Geynrix Aleksandr, 76); 8.Gusev Rolan; 20.Yaroshik Irji; 21.Popov Denis; 24.Berezuckiy Vasiliy; 25.Raximich Elver; 28.Shershun Bogdan.

"Zenit" (Sankt-Peterburg): 16.Malafeev Vyacheslav; 25.Kirice Daniel; 46.Lobov Konstantin; 38.Nedorezov Igor (3.Gorak Martin, 82); 8.Maresh Pavel; 20.Katulskiy Aleksey (34.Bistrov Vladimir, 46); 2.Radimov Vladislav; 27.Denisov Igor (10.Arshavin Andrey, 46); 6.Spivak Aleksandr; 26.Makarov Dmitriy; 11.Kerjakov Aleksandr

Ogohlantirishlar: Raximich Elver, 16; Lobov Konstantin, 31; Makarov Dmitriy, 54; Arshavin Andrey, 55; Nedorezov Igor, 61; Gogniev Spartak, 63; Solomatin Andrey, 72; Radimov Vladislav, 78

Chetlatish: Arshavin Andrey, 74 (2SK).

Geynrixning CSKAdagi yagona golini urgan uchrashuvni yodga olamiz