У 18 ёшида (2007 йил) ЕЧЛнинг амалдаги ғолиби "Милан" таркибига қўшилганди. Ўшанда "россонерилар" трансфер қиймати 4 млн евро бўлган вундеркинд учун 24 млн сарфлаган. Патиньога бўлажак жаҳон юлдузи сифатида қараларди. Истеъдодли ҳужумчи А cериядаги дастлабки мавсумидаёқ ўзини 9 бор кўрсатишга улгурди. 2009 йилда "Golden Boy" мукофотига муносиб кўрилди.

Бироқ, кутилмаганда орттириб олинган жароҳат Алешандренинг ўйинида пасайиш келтириб чиқарди ва асосий таркибдаги ўрнини йўқотди. Бу пайтда Пато клуб хўжайини Сильвио Берлусконининг арзанда қизи Барбара Берлускони билан учраша бошлаганди. Бу муҳаббат қиссаси жамоа бош мураббийига ёқмас, у Пато футболчи сифатида таназзулга учраганини англаётганди. Бразилиялик футболчи дастлаб мураббий билан, кейин бутун жамоа билан зиддиятларга бора бошлади. Кейинчалик, Пато Бразилияга қайтишни мантиқан тўғри деб билди. Жуфтлик ажрашишга қарор қилишганди. Футболчи ўша кундан бошлаб бир неча бор аввалги мавқейини тиклашга ҳаракат қилиб кўрди. Аммо, барчаси бесамар кетди.

Бу орада "Челси", "Вильярреал", "Сан-Пулу" ва Хитой Суперлигасида тўп тепишга улгурган футболчи аллақачон 31 ёшни қоралаб қўйди. У бугунги кунда MLS вакили "Орландо Сити" жамоаси шарафини ҳимоя қиляпти.

Қуйида Патонинг ўзи ўйнаган барча жамоалардаги статистикаси билан танишиб олишингиз мумкин.

клуб	ўйин	гол	ассист
"Милан"	150	63	18
"Сан-Паулу"	105	32	15
"Тяньцзинь Тяньхай"	60	36	8
"Коринтианс"	39	12	1
"Вильярреал"	24	6	5
"Интернасьонал"	18	10	1
"Челси"	2	1	-
"Орландо"	1	-	-

"Golden Boy-2009" — Патиньо ҳозир қаерда?