"O'zbekiston va Gonkong terma jamoalari so'ngi marotaba to'qnash kelganiga 11 yildan oshdi. Bu vaqt ichida ikki terma jamoada ham avlodlar almashinuvi ro'y berdi. O'rta Osiyo mintaqasida futbol jadal tarzda rivojlanib borayotgani hech kimga sir emas. Qirg'iziston va Tojikiston kabi davlatlar Osiyo kubogida debyut qilishdi. O'zbekiston esa Osiyo kubogida chorak finalga qadar etib bordi va musobaqa davomida mag'lubiyatga uchramadi.

Musobaqa mamlakatingiz uchun omadli bo'lmagan bo'lishi mumkin, ammo terma jamoangiz namoyish etgan o'yin ko'pchilik muxlislariga yoqdi. Odiljon Hamrobekov va Otabek Shukurovlar maydon markazi ajoyib "tandem" hosil qilishgan. Shuningdek, terma jamoangiz safida Evropada to'p tepayotgan bir nechta yosh futbolchilar bor. Himoyachi Abduqodir Husanov va Abbosbek Fayzullaevlar Osiyoning eng iqtidorli futbolchilari qatoriga kiradi.

Gonkong terma jamoasi esa Osiyo kubogining guruh bosqichidanoq orta qaytdi, ammo futbolchi Filip Chan Siu Kvan Osiyo kubogidagi 1000 golni urdi. Guruh bosqichining ikkinchi turida Gonkong ajoyib natija qayd etdi, Eronga qarshi uchrashuvda kichik 0:1 hisobida mag'lubiyatga uchradi. "Ajdarxo"lar uchun bu yaxshi natija. 2021 yil yakunida Gonkong terma jamoasida bosh murabbiy o'zgardi. Norvergiyalik mutaxassis Yorn Andersen terma jamoani boshqarmoqda va hozirgi kungacha yaxshi natijalar qayd etdi. Gonkong terma jamoasi ko'proq hujumkor va agressiv futbol namoyish etmoqda. Sobiq bosh murabbiy Maks Paataleyan terma jamoada vaqti bunday o'yin uslubini faqatgina orzu qilish mumkin edi.

Gonkong terma jamoasining himoya chizig'i ancha stabil va legioner futbolchilar ko'pchiligi aynan himoyachilar. Shuningdek, markaziy himoyada asli shotlandiyalik futbolchi Leon Djons to'p tepmoqda. Bosh murabbiy Yorn Andersen terma jamoani yaxshi tomonga o'zgartira oldi, ammo O'zbekistonga qarshi kechadigan ikki uchrashuvda jamoadan ko'p narsa kutish noto'g'ri. O'zbekistondan bir ochko tortib olsak yaxshi natija desak bo'ladi" - deya yozmoqda gonkonglik sport jurnalisti Aaron YU Vay Xim

Eslatib o'tamiz, O'zbekiston - Gonkong uchrashuvi bugun soat 17:00da start oladi.

Gonkonglik jurnalist: "O'zbekiston terma jamoasidan bir ochko tortib olsak, yaxshi natija qayd etgan bo'lamiz"