Buning uchun har ikki jamoadan g'alaba qozonish talab etiladi.

Dastlabki ikki turda yaxshi o'yin namoyish qilmagan va birorta gol urmagan Greciya pley-offga chiqishi uchun raqibni yirikroq hisobda dog'da qoldirishi talab etiladi. Aks holda, greklar uyga qaytishga majbur.

Boshqa tarafdan iqtisodiy inqirozga yuz tutgan mamlakat jamoasining jahon chempionati final bosqichida ishtirok etishining o'zi katta muvaffaqiyat. Kacuranis o'tgan turdagi qizil kartochka tufayli bellashuvni o'tkazib yuboradi. Uning o'rnini Santush katta ehtimol bilan Karagunisga topshirsa kerak. Hujumda esa Samarasga Gekas yoki Mitrogludan biri yordam berishi kutilmoqda.

Ivuarliklar esa barchasini o'zlari hal etib qo'yishlari mumkin. Buning uchun Sabri Lyamushi shogirdlaridan kamida mag'lubiyatga uchramaslik talab qilinadi. Zokora diskvalifikaciya sababli o'ynay olmaydi. Aka-uka Turelar oilasidagi ko'ngilsizlik barchaning diqqatini o'ziga tortdi. Kolo va Yayaning ukasi Ibrohim saraton kasalligi tufayli hayotdan ko'z yumdi. Uning xotirasi uchun ham mazkur o'yinda Turelar bor kuchlarini sarflab, jamoaning nimchorak finalga chiqishiga hissa qo'shishga intilishadi. Shu tariqa Ivuarning ilk bor guruh bosqichidan muvaffaqiyatli o'tganini ukalarining xotirasiga bag'ishlashlari mumkin.

Jamoalar hozirga qadar umuman to'qnash kelmaganlar. Bugungi bellashuv ular uchun ilk o'zaro uchrashuvga aylanadi. Taxminlar Afrika qitasi vakili tarafiga yangramoqda.

GRECIYA - KOT-D'IVUAR
01:00. Fortaleza. "Kastalan" stadioni.
Bosh hakam: Karlos Vera (Ekvador).
Taxminiy tarkiblar
Greciya: Karnezis - Torosidis, Papastatopulos, Manolas, Xolebas - Salpingidis, Kone, Maniatis, Karagunis, Samaras - Mitroglu.
Kot-d'Ivuar: Barri - Ore, K. Ture, Bamba, Boka - Die, Tiote - Kalu, Yaya Ture, Jervino - Drogba.
Diskvalifikaciya qilinganlar: Kacuranis - Zokora.

Greciya- Kot-D'Ivuar. PREVYU