"Барчага раҳмат айтаман. Қийин ўйин бўлди. Ўзбекистон терма жамоасига ҳам миннатдорчилик билдираман. Рақиб қаттиқ ҳимояланди. Уларни ҳимоясини ёриб ўтиш жуда қийин бўлди. Лекин шогирдларим охиргача ҳаракат қилишди ва пенальтилар сериясида бўлса ҳам ғалаба қозондик. Чорак финалга чиққанимиздан хурсандмиз.

Бугунги баҳсда бизга охирги пас етишмади. Ўз навбатида Ўзбекистон ҳам кучли ўйин намойиш этди. Мэтью Райанга алоҳида раҳмат. У ҳам ўйин пайтида, ҳам пенальтилар сериясида яхши ҳаракат қилди. Мэтью Леки чаққон футболчи. Жароҳатидан қутулиб майдонга қайтди.

Ўзбекистон менда илиқ таассурот қолдирди. Индивидуал кучли футболчилар жуда кўп экан. Айниқса ҳимоя жуда кучли ўйнади. Чорак финални ҳам шу шаҳарда ўтказишимиз ёқмоқда. Бу шаҳарга мослашиб бўлдик. Фақат ўйиндан кейинги тикланишни амалга оширсак бўлгани. Кейинги баҳсда Том Рогич майдонга туша олмайди. Унинг сариқ карточкалари иккита бўлди. Унинг ўрнини тўлдирадиган футболчи топамиз.

Эртадан бошлаб рақибни ўрганишни бошлаймиз. Катта эҳтимол билан бу БАА бўлади. Осиё Кубогида жамоам яхши ўйнамоқда. Бугунги ўйин пенальтилар сериясида ҳам кучли эканлигимизни кўрсатди. Биз машғулотлар вақтида пенальтилар устида алоҳида ишлагандик. Дарвозабонлар тўп қайтариш, футболчилар зарба бериш устида", - дейди Грэм Арнольд.

Грэм Арнольд: "Ўзбекистон терма жамоаси менда илиқ таассурот қолдирди"