"Bugun teng kuchli ikki jamoa o'ynadi. Ikkala jamoa ham durangdan qoniqmadi deb o'ylayman. OCHL o'yinidan so'ng ortga qaytish uchun bir sutka vaqtni ketkazdik. Yigitlarda biroz toliqish ham bo'ldi. Bugungi bir ochko oldik, demak ishlashda davom etamiz. Bugun "Paxtakor" g'alaba uchun o'ynadi", - deydi Kolosovskiy.

- Hakamlar borasida qanday fikr bildirasiz?

- Bir qator vaziyatlar bo'ldi. Lekin hakamlar haqida gapirmayman. Izohsiz qoldiraman.

- Anvar Solievni maydonga tushirdinglar. Unday holda No'mon Hasanov ham maydonga tushishi mumkinmi? Yoshlarga imkon berish kerak emasmi?

- Soliev mashg'ulotlar vaqtida o'zini yaxshi tomonlama ko'rsata oldi. Shu bois bizga gol kerak bo'lgani uchun uni maydonga tushurdik.

- Jamshid Iskanderovning o'rni bilinayapti...

- Iskanderov jamoaning asosiy futbolchisi. Uning yo'qligi albatta bizga qiyinchilik tug'dirmoqda.

- "Paxtakor" bugun juda qo'pol o'ynadi. Bunga qanday qaraysiz?

- Bu sizning fikringiz. Menimcha qo'pol o'yin bo'lmadi. Sariq kartochka ko'rsatilgan vaziyatlarda ham u qadar qo'pol o'ynalmagandi.

- Nikita Ribkinga raqobatchi bormi? Uni ayblamayapman, shunchaki unga o'rinbosar bormi?

- Bu O'zbekistonning muammosi. Olimpiya terma jamoasida ham oliy ligada o'ynagan darvozabon yo'q edi. Ribkin mashg'ulotlarda yaxshi ishlamoqda. Shu bois ayni paytda jamoamizning asosiy posboni hisoblanadi.

Narzulla Saydullaev

Grigoriy Kolosovskiy: "Paxtakor" g'alaba uchun o'ynadi"