- Ушбу тўқнашувда жамоалар имкониятини тенг баҳолаётган фикрига қўшиламан. ПСЖ жуда кучли жамоа тузмоқда ва улар Франция чемпионатида яққол пешқадамлик қилишмоқда. Ҳар қандай клуб буюк бўлиши учун аввало ЕЧЛга зафар қучиши керак. ПСЖ ҳам шу йўлда ва уларнинг асосий мақсади ғолиблик. Ўзимизга келадиган бўлсак, биз декабр ойидаги "Челси"га қараганда анча кучайдик. Кейинги босқичга йўл олиш учун курашамиз. Жамоа ўсишда давом этмоқда. Лекин биз ҳали ўзимиз истаган даражада эмасмиз. Ҳали қилинадиган ишлар бор. Бироқ биз ҳар қандай рақибга ўз ўйинимизни таклиф этишга қодирмиз. ПСЖ билан ўйинда ҳам шу ишни қиламиз. Учрашувда биринчи рақамли жамоа сифатида ҳаракатлана оламиз. ПСЖ аъзоси Марко Вератти ёш бўлишига қарамай жуда кучли футболчи ҳисобланади. Вератти ҳозирда ПСЖда ҳам, Италия терма жамоасида ҳам муҳим футболчилардан бири саналади. Лекин унинг йўқлигини ПСЖ бошқа муносиб футболчи билан тўлдира олади. Биз ҳам Террини ўрнига муносиб футболчи топа оламиз. Катта жамоаларда захира доимо топилади.

Гус Хиддинк: "ПСЖга ўз ўйинимизни таклиф қиламиз"