"Tajribamga ko'ra, bu erga kelsak, doimo qiynalamiz. Ushbu stadiondagi o'yinlardan keyin miyamdan doim bir gap o'tadi, ular qanchalar yaxshi o'ynagan bo'lishsa, biz ham shunday zo'r o'ynadik. Ushbu stadionda doimo ko'proq gol urishni istaymiz.
Ularda yaxshi qurollar bor: Uilfrid Zaa, Mishel Olise, Eberechi Eze - ajoyib hujumchilar va doimo raqib darvozasi oldida katta xavf bo'lib turishadi. Sovuqqon futbolchilar bo'lgani uchun ularni to'xtatish uchun bazida sabr ham qilish kerak bo'ladi.
Barchadan mamnunman, biroq bizga qarshi hujumlar etishmadi. Qachonki raqiblar 6 futbolchi bilan chuqur himoyalansa, Xoland uchun alohida futbolchi ajratilsa, doimo qiyin bo'ladi. Undan tashqari, Gyundogan ham doimiy taqib ostida bo'ldi.
Xolandga qarshi raqiblar chuqur himoyalanadi. Xulian Alvares ham bizga kerak. U markazda bugun asqotdi va imkoniyat bo'ldi. Gyundogan ham tarkibdagi muhim futbolchilardan biri, u penalti ishladi, Xoland esa ishni yakunlab qo'ydi.
Kanselu ketganidan keyin bizda qanot himoyachilari etishmayapti. Tarkibda Kayl Uoker hamda Serxio Gomes qolgan holos. To'rt markaziy himoyachi bilan o'ynayapmiz va shunda ham raqibdan kuchli bo'lib turibmiz. Barcha to'rt markaziy himoyachilar ajoyib futbolchilar, shu sababli ular yaxshi himoyalanishdi", - dedi Gvardiola.

Gvardiola: "Kristal Pelas" chuqur himoyalandi"