- "Бу мезбонлар учун ўйиннинг энг аччиқ қисми бўлди. Шундай ҳашаматли стадионда мухлислар менга қарсак чалишганини кўриб очиғи ҳайрон қолдим. "Ювентус" ҳақиқатан буюк жамоа, бу ерда кўплаб машҳурлар ўйнаган. Мухлисларнинг менга нисбатан чапак чалишгани ҳар доим қалбимда қолади". ("Реал" ҳужумчиси Криштиану Роналду Буффон дарвозасига "қайчи" усулида гол урганидан кейин "Юве" мухлислари уни олқишлагани ҳақида)

- "Мен ҳозирги кўринишимдан ўзгара олмайман. Мен фақат тактика ва таҳлиллар бўйича иш қиладиган мураббий эмасман. Кўпроқ ички ҳиссиётларимга қулоқ соламан. Қарорни ҳам қалбимга қараб қабул қиламан. Йўқса футболнинг мен учун компьютер ўйинидан фарқи қолмасди. Футболда тактик мураббийлар кўп, мен эса бошқачаман". ("Ювентус" бош мураббийи Массимилиано Аллегри мураббийлик услуби ҳақида)

- "Бир неча йил олдин Англия футболида 10-рақамли футболчи бошқа чиқмаса керак деб азият чеккандим. Испанияга қаранг, Иньеста, Фабрегас, Иско, Давид Сильва - уларнинг ҳар бири 10-рақамли либосни кийса ўйнаб кета олади. Испания иқтидорли ўйинчиларни етиштириб бериш бўйича жуда кучли. Аммо охирги пайтларда Англияда ҳам шундай футболчи кўзга ташланмоқда. Бу - Раҳим Стерлинг. Стерлинг "Сити"да кўпинча ўнг қанотда ўйнайди, аммо терма жамоага келганда №10 футболчи қилиши керак бўлган ишни қойиллатиб бажаряпти". (Англиялик таниқли мураббий Жэйми Реднапп Раҳим Стерлинг ҳақида)

- "Мен 45 ёшдаман, лекин бу фақат қоғоздаги рақам, холос. Мен ҳар куни машғулотларда қаттиқ ишлайман, иложи йўқ деган сўз менинг луғатимда йўқ. Токи жаҳон чемпионатига бориш имконияти бор экан, охиригача ҳаракат қиламан". (Мисрлик дарвозабон Эссам Эл Ҳадари 45 ёшда бўлишига қарамай, мундиалга бориш истаги ҳақида)

- "Мен қандай қилиб бу дажаража етдим? Биринчи навбатда Пеп Гвардиола туфайли. У доим футболчилар ҳақида қайғуради. Унинг учун тўпни қабул қилиб олгандан сўнг дастлабки қарорни чиқариш жуда муҳим. У доим менга айтган: тўп сенга келдими, нимадир қилишдан олдин атрофга яхшилаб қара ва кейин қарор чиқар. Гвардиола ҳар доим футболчиларнинг хатосини кўра олади. У футболни жуда чуқур тушунади. Ҳар қандай рақибга қарши унда аниқ режа бор". ("Бавария" футболчиси Жошуа Киммих фаолиятига катта таъсир кўрсатган Пеп Гвардиола ҳақида)

- "Менга Робин Гуд қаттиқ таъсир қилган. Ёшлигимда минглаб ҳикоялар ўқирдим, чунки китоб ўқишни ёқтирардим. Борис Беккер менинг ёшимда "Уимблдон"ни ютиши мумкин, бунга ишонаман. Умуман спортда ҳамма нарса бўлиши мумкин. Лекин мен ҳеч қачон Лотар Маттеус каби футбол ўйнай олмасдим. Шу боис мураббий бўлишга аҳд қилдим. Мен ҳеч қачон дунёнинг энг кучли мураббийи бўлишга ҳаракат қилмаганман, шунчаки ўз ишимни сидқидилдан бажаришга интилганман, холос". ("Ливерпуль" бош мураббийи Юрген Клопп ўз касби ҳақида)

- "Агар йигирма йил олдин берган интервьюларимни қидириб топсангиз, келажакда Африка жамоаларидан бири жаҳон чемпиони бўлиши ҳақида гапирганимни кўрасиз. Тўғри, ҳалиям Африка жамоаси чемпион бўлгани йўқ, лекин яқин йиллар ичида бу воқеа албатта рўй беради". (Собиқ футболчи Эрик Кантона Африка жамоаларидан бири яқин келажакда мундиални ютиши ҳақида)

- "Бу биз учун жуда муҳим жаҳон чемпионати бўлади. Жамоамиз мундиалга тайёр. Биз тўрт йил олдин Бразилияда, икки йил аввал Францияда ўйнадик ва анча тажриба тўпладик. Агар янада яхши ўйин кўрсатсак, ўз мухлисларимизни хурсанд қила оламиз". (Бельгия терма жамоаси ярим ҳимоячиси Аксел Витсел жаҳон чемпионатидан нималар кутаётгани ҳақида)

- "Криштиану амалга ошираётган баъзи ишларни фақат унинг ўзи қила олади. Унинг "Ювентус"га урган "қайчи" услубидаги голи жуда чиройли чиқди. Лекин мен Глазгодаги финалда ундан-да чиройли гол ургандим". ("Реал" бош мураббийи Зинедин Зиданнинг Роналду урган голга муносабати)

Ҳафта иқтибослари. Машҳурлардан энг сара фикрлар