- O'yin haqida fikringiz?

- Bahs qanday kechganini hamma ko'rdi. O'z maydonimizda navbatdagi uchrashuvni o'tkazdik va katta ustunlikka ega bo'ldik. Xavfli vaziyatlar ko'p bo'ldi. Lekin eski kasalimiz qo'zg'ab vaziyatlardan foydalana olmadik. Gol urishda muammolar yuzaga kelyapti. Bizga ustalik bilan foydalanish etishmayapti.

O'yinga borini berish va harakat qilish bo'yicha shogirdlarimga etiroz yo'q. Etiroz faqat gol urmaslikda va bazi taktik rejalar ishlamasligida bo'lib qolyapti. Agar gol urmasak kerakli ochkolarni qo'lga kirita olmaymiz. Superliga tugashiga 8 tur qoldi va buyog'iga yanada jiddiy bo'lishimizga to'g'ri keladi. Hisobimizda 20 ochko bor. Boshqalardan orqada qolib ketmaslik uchun ko'proq ochko jamg'arishimiz lozim. Hali kurash oldinda.

- Jamoa nima uchun golli vaziyatlardan foydalana olmayapti?

- O'yin tomonlama etirozim yo'q. Biz hamma bilan yaxshi o'ynayapmiz. Chempionat etakchilariga qarshi ham yomon ko'rinmadik. Faqat gol urish qiyin bo'lyapti. Bu futbolchilar saviyasi bilan bog'liqmi? Agar shunday desak, bizda tajribali o'yinchilar ham, yoshlar ham bor. Hammaga vaqt kerak. Birdaniga nimagadir erishish oson bo'lmaydi. Maqsadimiz, jamoani Superligada olib qolish. Bu oson bo'lmasligini bilamiz, lekin harakat qilishda davom etamiz.

Hakim Fuzaylov: "Agar gol urmasak kerakli ochkolarni qo'lga kirita olmaymiz"