- O'yin haqida fikringiz?

- Uchrashuvni barcha ko'rdi, birinchi taym to'liq ustunligimiz ostida kechdi. Raqibda deyarli imkoniyat bo'lmadi. Faqat o'zimizga o'zimiz penalti olib kelganimiz chatoq bo'ldi. Umuman olganda esa o'yinni yaxshi o'tkazdik. Lekin baribir gol urish bilan bog'liq muammodan chiqib keta olmayapmiz. Buning ustiga futbolchimiz qizil kartochka olib o'yinni 10 kishi bo'lib tugatdik. Lekin bu hakamning qarori va men muhokama qilmayman. Shogirdlarimga oxirigacha kurashishgani uchun minnatdorchilik bildiraman. Chempionat davom etadi, imkoniyat bor ekan kurashamiz.

- Bugun jamoangiz qay darajada jismoniy kurashlar uddasidan chiqdi?

- Avval ham aytgandim, biz jismoniy tomonlama tayyormiz. Jamoamiz bu borada yomon ko'rinmayapti. To'pga ko'p egalik qilamiz, agar futbolchilar toliqib qolganida bunday bo'lmasdi. Qanotlarimiz ham yaxshi ishlayapti, faqat zaxira o'rindig'imiz tor va buni har doim his qilyapmiz. Mana endi FIFA kunlari boshlanadi, biroz dam olib so'ng yana mashg'ulotlarga qaytamiz.

- Diyorbek Ortiqboevning chetlatilishi o'yinga qanday tasir qildi?

- Bunday o'yinda bir kishi kam qolib kurashishda davom etish oson emas. Aytib o'tganimdek, qizil kartochka borasida hakam qaror qabul qildi. Biz esa kurashishda davom etdik. Aytishim mumkin, oxirigacha faqat g'alabani o'ylab harakat qildik.

Hakim Fuzaylov: "Shogirdlarimga oxirigacha kurashishgani uchun rahmat aytaman"