O'yin haqida

- Pro-liga jiddiy chempionat hisoblanadi. Safar uchrashuvlari biz uchun qiyin kechayapti. "Olimpik" safida yosh va malakali futbolchilar yig'ilgan. Timur Kapadze jamoa safiga juda ham masuliyatli futbolchilarni jamlagan va 2 yildan buyon ular bilan ishlab kelmoqda. Ular Pro-ligada Superliga yo'llanmasi uchun kurash olib borishayapti. Bundan tashqari jamoa turli darajada musobaqalarda ishtirok etib kelayapti, masalan yaqinda ular Ukrainada bo'lib o'tgan turnir g'olibi bo'lishdi. Bugungi o'yin qiziqarli va og'ir o'tdi. Yigitlar oxirigacha kurashishdi va g'alaba uchun oxirigacha kurashishdi.

- Birinchi bo'limda hujumlar kam bo'lgandek ko'rindi...

- Bu borada yigitlarga tegishli ko'rsatmalarni berganman. Raqibga to'pni topshirib qo'ymaslik kerak. Birinchi bo'limda to'p nazorati raqib tomonida bo'ldi. Ikkinchi bo'limda bu borada biz ustunlik qildik.

- Markazda Hamrolievning harakatlarini qanday baholaysiz?

- Hamrolievda bir oz xatolar kuzatildi. Balki unda hayajon bo'lgandir, shunga bir oz shoshib qoldi. O'yin tempi yuqori bo'ldi, bu o'yinda uchraydigan holat.

Shuningdek, Hakimov bilan davolanish kurslaridan so'ng jiddiy gaplashib olamiz.

- Transferlar oynasi ochilgan vaqtdagi rejalar qanday?

- Mavsum boshida vaqt tig'iz edi. Transferlar bo'yicha bizda xatolar ham yo'q emas. Transferlar oynasi ochilgan vaqtda tarkibga kuchli futbolchilarni jalb etishni maqsad qilganmiz. Jamoa homiylari va rahbariyatga minnatdorchilik bildiraman. Shuningdek jamoa muxlislariga ham rahmat aytaman. Biz bugun jarohat tufayli majburiy o'zgarishni ham amalga oshirdik.

Hakim Fuzaylov: "Transferlar oynasi ochilgan vaqtda tarkibga kuchli futbolchilarni jalb etishni maqsad qilganmiz"