"Бугунги ғалаба билан мухлисларни, Навоий халқини, барча футболчиларни табриклайман. Икки нафар етакчимиз Эркин Байдуллаев ва Ойбек Қиличевнинг йўқлигини қолганлар билинтиришмади. Муҳим уч очкони қўлга киритдик. Қизиғи учала голни ҳам ўзимиз урдик.

- Ўтган турда жамоа биринчи гол уриб, иккита гол ўтказганди, бугун эса аксинча бўлди...
- Биласизми ўтган турдаги баҳснинг оғриғини ҳалиям юрагимдан чиқарганим йўқ. Неча йил мураббий сифатида фаолият олиб бораётган бўлсам биринчи марта энг аламли ва қўпол ўйин бўлди. Бугун эса футболчилар биз хоҳлаган ўйинни намойиш этиб беришди.

- Шерали Жўраев асосан қанотда ўйнарди. Бугун марказда ҳаракат қилди...
- Байдуллаев ва Қиличевнинг йўқлигини Жўраевни марказга қўйиб ёпишга ҳаракат қилдик.

- Бир неча тур олдин Достон Ибрагимов жароҳат олиб сафдан чиққанди. У қачон майдонга қайтади?
- Биз Достон Ибрагимовни қидирувга берганмиз. Унинг изини топа олмаяпмиз, ҳеч қаерда йўқ. Ўқишга дейди, хабаримиз йўқ.

- Ўтган турдаги ҳакамларни ҳақорат қилганингиз учун бугун ЎФА сизга нисбатан жарима қўллагани ҳақида хабар чиқди. Жарима миқдорини айта оласизми?
- Бу нарсани сиздан эшитиб турибман. Ҳозирча жарима борасида ҳеч қандай хат келгани йўқ. Хат келса уни исботлаб бериш керак, айнан нима учун жарима қўлланилгани ҳақида.

Ҳамид Актамов: "Достон Ибрагимовни қидирувга берганмиз, тополмаяпмиз"