Unda ishtirok etgan "Qizilqum" bosh menejeri Hamidjon Aktamov quyidagi fikrlarni bildirdi.

- Avvalambor Assalomu Alaykum! Qo'lga kiritilgan qiyin g'alaba bilan jamoamiz muxlislarini tabriklayman. Juda og'ir o'yin bo'lishini bilardik va shunga yarasha tayyorgarlik ko'rgandik. Nihoyat uzoq kutilgan g'alaba qo'lga kiritildi va o'ylaymanki, bu bilan to'xtab qolmaymiz. Muxlislar oldida qarzdorligimiz ko'p, navbatdagi bahslarda ham ularni xursand qilishga harakat qilamiz.

- Tarkibga 6 nafar yangi futbolchi qo'shib olindi va ularning barchasi asosiy tarkibda o'ynadi. Bu futbolchilar harakati sizni qoniqtirdimi?

- Avvalo shuni aytishim kerak, koronavirus bizning futbolchilarni ham chetlab o'tmadi va ko'p futbolchilarimiz bundan sog'ayib ham bo'lishdi. Bazilar endi-endi o'ziga kelyapti. Yangi futbolchilar astoydil harakat qilishdi. Keyingi o'yinlarda ham yanada faollik kutib qolamiz.

- Amalga oshirilgan transferlardan ko'nglingiz to'qmi?

- Tajribali futbolchilarni qo'shib oldik. Hammasi joyida. Yana o'zgarishlar bo'ladi. Bu borada futbolchilar bilan muzokaralar ketyapti. Agar ishimizga chetdagilar aralashmasa yanada yaxshi natija ko'rsata olamiz. Kim haqida gapirayotganimni ko'pchilik yaxshi biladi. Agar futbol kerak bo'lsa, ana futboli yo'q viloyatlarga borib futbolni ko'tarsin. Daraxt endi hosilga kiradigan paytda tagidan kesish yaxshi emas. 2016 yil 6-o'rinni olgandik, bu yil ham yuqori maqsadlar qo'yilgan. Nasib qilsa rahbariyat oldida yuzimiz yorug' bo'ladi.

Hamidjon Aktamov: "Qiyin g'alaba bilan jamoamiz muxlislarini tabriklayman"