"O'yin haqida nima ham deyishim mumkin? Bugun yana Navoiy xalqi uchun quvonchli kun bo'ldi. G'alaba bilan barchani tabriklayman. O'yinni bizning jamoa nazorat qildi, vaziyatlar yaratdi. Futbolchilar ko'rsatmalarimizni to'liq bajarishdi. Jamoa asta-sekin moslashib bormoqda, yoshlar ham o'yindan-o'yinga tajriba orttirib borishmoqda. G'oliblar ortiqcha muhokama qilinmaydi deyishadiku", - deya gap boshladi Hamid Aktamov.

- "Qizilqum" transferlar oynasi vaqtida faol bo'ldi. Kuchli va tajribali futbolchilar olib kelindi. Bu o'yinga ham tasirini ko'rsatdi. Qaysi omillarga ko'ra jamoada bu qadar jiddiy o'zgarishlarga qo'l urildi? Homiylar tomonidan qo'shimcha mablag' keldimi?
- Yo'q, bu gap homiylarda emas. O'tgan safar ham bu savollarga ko'p bor javob berganman, keling shunga javob bermay qo'ya qolay. Jamoani kuchaytirish, har bir o'yinda yutish uchun shunaqa o'zgarishlarga qo'l urdik. Homiyimiz o'sha o'sha, ortiqcha boshqa homiylardan mablag' kelgani yo'q.

- Jamoa ketma-ket ikki marotaba g'alaba qozondi. Potencial jihatdan jamoangiz kuchli sakkizlikka kira oladimi?
- Hozir hech narsa deya olmayman. Ochkolarni mavsum yakunida sanaymiz, oldinda o'yinlar ko'p. Mavsumni yuqoriroqda yakunlashga harakat qilamiz.

- Keyingi turlarda tarkibda rotatciyalar ko'ramizmi? Ko'ryapmiz, aksariyat jamoalar bir hil tarkib bilan harakat qilmoqda. Buning natijasida futbolchilar charchab qolmoqda. Rotaciyalarni amalga oshirgan jamoalar yutib ketmoqda. Sizda bu borada holat qanday?
- Bizda futbolchilarning holati yaxshi. Vaqtiga qarab rotaciyalar qilamiz. Mana bugun ham yoshlarni maydonga tushirdik. Shu orqali ularni ham tayyorlab boramiz. Futbolchilarni jismoniy holati qoniqarli. Alisher Sanoevning jarohati og'irroq, shu bois almashtirdik.

Hamidjon Aktamov: "G'oliblar ortiqcha muhokama qilinmaydi"