Ushbu musobaqa aslida 5-27 oktyabr kunlari Peruda bo'lib o'tishi lozim edi, biroq Peru davlati tashkiliy masalalar bo'yicha muammolarga duch kelishini malum qilgach FIFA mezbonlikni Braziliyaga topshirdi. Mazkur musobaqa 26 oktyabr - 17 noyabr oralig'ida o'tkaziladi.

Ishtirokchi davlatlar

U-17 jahon chempionatida oltita konfederaciyadan 24ta davlat ishtirok etyapti.

OFK - Avstraliya, Yaponiya, Janubiy Koreya, Tojikiston.

Afrika - Kamerun, Nigeriya, Angola, Senegal.

KONKAKAF - Kanada, AQSH, Meksika, Gaiti.

KONMEBOL - Braziliya, Argentina, Chili, Ekvador, Paragvay.

Okeaniya - Yangi Zelandiya, Solomon orollari.

UEFA - Franciya, Gollandiya, Italiya, Ispaniya, Vengriya.

Guruhlar bilan tanishing

24 jamoa to'rttadan 6 guruhga bo'lingan. Har bir guruhdan 2tadan jamoa avtomatik ravishda keyingi bosqichga yo'l oladi. Shuningdek, uchinchi o'rin egalari orasida eng yaxshi ko'rsatkich qayd etgan 4ta jamoa ham chorak finalda o'ynaydi.

"A" guruhi - Braziliya, Kanada, Yangi Zelandiya, Angola.

"B" guruhi - Nigeriya, Vengriya, Ekvador, Avstraliya.

"C" guruhi - Janubiy Koreya, Gaiti, Franciya, Chili.

"D" guruhi - AQSH, Senegal, Yaponiya, Gollandiya.

"E" guruhi - Ispaniya, Argentina, Tojikiston, Kamerun.

"F" guruhi - Solomon orollari, Italiya, Paragvay, Meksika.

Favoritlar kimlar?

Mutaxassislar ushbu musobaqaning asosiy favoriti sifatida Nigeriyani ko'rsatishmoqda. Shuningdek, Gollandiya, Braziliya, Franciya, Italiya va Ispaniyadan ham chempionlikni kutsa bo'ladi. U-17 jahon chempionatining amaldagi g'olibi Angliya o'smirlar terma jamoasi hisoblanadi.

2017 yil Hindistonda bo'lib o'tgan musobaqada Angliya chempionlikni qo'lga kiritgan edi. Lekin inglizlar shu yilning may oyida Irlandiyada o'tkazilgan U-17 Evropa chempionatida guruhdan chiqa olishmadi. Shu bois Braziliyada bo'lib o'tayotgan musobaqada Angliya yo'q.

Bo'lajak yulduzlarni tarbiyalab beradigan musobaqa

Hech ikkilanmay U-17 jahon chempionati bo'lajak dunyo yulduzlarini tarbiyalab beradigan musobaqa desa bo'ladi. Chunki shu paytgacha 17 bor o'smirlar o'rtasidagi jahon chempionati o'tkazilgan bo'lsa, bunda ishtirok etgan 210 nafar futbolchi keyinchalik kattalar o'rtasidagi jahon chempionatida ham to'p surgan.

O'z paytida U-17 jahon chempionatida porlagan o'yinchilar qatoriga Karlos Teves, Neymar, Son Xyong Min, Ronaldino, Fabregas, David Silva, Emmanuel Peti, Janluiji Buffon, Xavi, Toni Kroos, Alessandro Del Pero, Lendon Donovan kabi yulduzlarni qo'shsa bo'ladi.

Hammasi Braziliyada bo'lib o'tayotgan U-17 jahon chempionati haqida