Куни кеча Ҳамза Каримов Германияда муваффақиятли операция қилинди. Деярли бир йилдан буён жароҳатини даволаган футболчи Германияда оёғини операция қилдирди. Айни пайтда футболчи эркин агент саналади. Ўтган мавсумларда "Насаф" шарафини ҳимоя қилган Ҳамза Каримов билан қаршиликлар янги мавсум олдидан шартномани узайтиришни исташмаган.

Ҳамза Каримовни Германияда бориб операция қилинишига Навоийнинг "Қизилқум" клуби яқиндан ёрдам берди. Ҳамза Каримов иккинчи даврадан бошлаб яшил майдонга қайтиши кутилмоқда. Тажрибали ҳимоячи иккинчи даврада "Қизилқум" сафида ўйнаши кўзда тутилмоқда. Томонлар келишувга эришишган ва Каримов жароҳатидан тўлиқ фориғ бўлганидан сўнг "Қизилқум" либосини кияди.

Ҳамза Каримов ҳозирда Германияда тикланиш жараёнини ўтамоқда.

Ҳамза Каримов Германияда операция қилинди