Turning birinchi uchrashuvida “Qo'qon-1912” Samarqandning “Sherdor” jamoalari o'zaro bellashdilar.

Uchrashuv kutilganidek “Qo'qon-1912” jamoasining faol harakatlari bilan boshlandi. O'yinning dastlabki daqiqalardan qo'qonliklar “Sherdor” jamoasi darvozasi oldida xavfli vaziyatlarni yuzaga keltirishgan bo'lsada, biroq uchrashuvdagi birinchi gol “Sherdor” futbolchilari tomonidan kiritildi. Uchrashuvning samarqandliklarning 7-raqamli futbolchisi Maradona Safarov “Qo'qon-1912” darvozasiga gol kiritib, hisobni ochdi 1:0.

Shundang so'ng “Qo'qon-1912” futbolchilari hisobni tenglashtirish uchun ketma-ket hujumlar tashkil etgan bo'lsalarda, vaziyatlar gol bilan yakunlanmadi. Birinchi bo'lim 1:0 hisobida “Sherdor” jamoasining hisobdagi ustunligi bilan yakuniga etdi.

Uchrashuvning ikkinchi bo'lim qo'qonliklarning shiddatli hujumlar ostida boshlandi. Ketma ket uyushtirilgan hujumlar nihoyat samara keltirdi. 57-daqiqada Shaxboz Erkinov jarima zarbasidan etkazib berilgan to'pni darvozaga aniq yo'lladi – 1:1.

Uchrashuvning 90-daqiqasida “Qo'qon-1912” futbolchilari ikkinchi golni kiritishdi. Jarima maydonchasiga oshirilgan to'pni Muhammadanas Hasanov darvozaga aniq yo'lladi 1:2 Oradan bir oz vaqt o'tgach, Suhrob Berdiev qo'qonliklarning uchinchi golini kiritdi - 1:3

Shuni alohida takidlash joizki, Pro-Liga vakili “Sherdor” jamoasi bugungi uchrashuvda kuchli raqibga qarshi jiddiy qarshilik ko'rsatdi. Samarqandliklar tomonidan tashkil etilgan ko'plab hujumlar bazi vaziyatlarda darvozabon mahorati evaziga bartaraf etilgan bo'lsa, ayrimlarida berilgan zarbalarga aniqlik etishmadi.
Uchrashuv shu tariqa “Qo'qon-1912” jamoasining 1:3 hisobidagi g'alabasi bilan yakuniga etdi.

“Hokim kubogi-2019”
“V” guruhi
“Sherdor” – “Qo'qon-1912” – 1:3 (1:0)
Hakamlar: Olim To'ychiboev, Shoxrux Azamov, Ravshan Kopadze, Shoxrux Sharipov.
Nazoratchi: Sulton Zaylobiddinov.
Gollar: Maradona Safarov – 26. – Shaxboz Erkinov – 57, Muhammadanas Hasanov (90), Suhrob Berdiev (90+2).
“Sherdor”: 27. Ravshan Yagudin, 5. Ubaydullo Nabiev, 7. Maradona Safarov, 8. Muhammad Rajabov, 9. Abdulla Nabiev, 11. Islom Sharipov, 14. Jasur Qurbonov, 15. Saddam Boymamatov, 18. G'olib Sariboev, 19. Farzin Muxtorov, 33. Bunyod Isroilov.
Zaxira: 1. Farhod Rahmatov, 10. Ilhom Yunusov, 20. Shohjahon Abbosov, 23. Maqsud Mahmudov, 44. Asadbek Tolibov, 77. Farrux Faxruddinov.
“Qo'qon-1912”: 71. Sarvar Karimov, 4. Bahodir Akramov, 7. Jamshid Hasanov, 11. Timur Hakimov, 15. Oybek Rustamov, 19. Suhrob Berdiev, 22. Murod Xolmuhammedov, 23. Aleksandr Merzlyakov, 65. Marko Milich, 70. Shaxboz Erkinov, 78. Bexruz Sadilloev.
Zaxira: 30. Islom Abdullaev, 9. Nosir Otaqo'ziev, 14. Avaz Mamatxo'jaev, 17. Quvondiq Ro'ziev, 79. Iqbol Malikjonov, 96. Muhammadanas Hasanov, 97. Timur Usmonov.

Bekzod Tolibov tayyorladi

Hokim kubogi. "Qo'qon-1912" so'nggi daqiqalarda urilgan gollar evaziga "Sherdor"ni mag'lubiyatga uchratdi