Tyago Alkantara du Nasimento. Ispaniya terma jamoasi futbolchisini muxlislarning bir qismi ispan desa, boshqalar braziliyalik deydi. Qiziqarli tomoni shundaki, uning o'zi Italiyada tug'ilgan. Uning otasi Iomar du Nasimento yoki qisqacha Mazino A Seriyada to'p tepar edi. Bu voqea 1991 yilning 11 apreliga to'g'ri kelgan.
Darvoqe, bugun “Tottenxem” xavbeki Bamideli Alli ham 24 yoshga qadam qo'ydi.
Alkantaraning faoliyatiga nazar tashlasak, u 2005 yilda “Flamengo” akademiyasidan “Barselona”ning bolalar jamoasiga kelib qo'shilgan. “Ko'k-anorranglilar”ning asosiy jamoasidagi debyuti 2009 yilning 17 mayiga to'g'ri kelgan (“Malorka”ga qarshi o'yin). 2010 yildan etiboran u asosiy jamoaga jalb qilindi. Keyingi mavsumda Pep Gvardiola 20 yoshli Alkantarani asosiy tarkibning to'laqonli azosiga aylantirdi(45 o'yinda 4 gol).
Ispaniyalik mutaxassis 2013 yilda “Bavariya” boshqaruvini qo'lga olgach, jamoaga taklif qilgan ilk futbolchisi aynan Tyago bo'ldi. O'sha paytda Alkantara uchun MYU va “Real” ham davogarlik qilgan, ammo futbolchi sobiq ustozi bilan ishlashni avzal ko'rgandi. Futbolchi myunxenliklar uchun 25 million evroga tushgan.
U hamon “Bavariya” tarkibida muvaffaqiyatli to'p surib kelmoqda.
Statistikaga nazar solsak, “Barselona” uchun 100 o'yinda 11 gol, 20ta samarali uzatmaga mualliflik qilganiga guvoh bo'lamiz.
“Bavariya” tarkibida esa uning hisobida 227 o'yin, 31 gol va 37ta asist bor.
Tyago qo'lga kiritgan sovrilar bilan tanishing:
4 karra Ispaniya, 6 karra Germaniya chempioni;
2 karra Ispaniya, 3 karra Germaniya kubogi sohibi;
3 martadan Germaniya va Ispaniya superkuboklarida g'alaba qozongan;
2 karradan ECHL, UEFA superkubogi va klublar o'rtasidagi JCH g'olibi va h.k.
Xullas, butun jahon ahlini qiynayotgan koronavirus pandemiyasi tufayli Tyago ham o'z tavallud ayyomini avvalgidek dabdabali va keng miqyosda nishonlamasligi aniq.
Buni sizga ham maslahat bermaymiz. O'zingizni va yaqinlaringizni asrang. Buning uchun, shunchaki, uyda qolish kifoya qiladi. Siqilmang, ahvol o'nglangach, bunday bayramlarning eng kattalari aynan sizning ko'changizda bo'ladi. #uyda qoling!
Faxriddin Ro'ziev
Izohlar