Musobaqaning birinchi bosqichida “A” va “B” mintaqalarga bo'lingan holda, uy-safar tizimidagi uchrashuvlarni yakunlab, U-14, U-15, U-16, U-17 yosh toifasidagi eng ko'p ochko jamg'argan sakkiztadan jami 32 ta jamoa ikkinchi bosqich yo'llanmasini qo'lga kiritishgan edi.

Hududiy futbol akademiyalari tarbiyalanuvchilari o'rtasidagi O'zbekiston chempionatining dastlabki uchrashuvlari aprel oyidan beri o'tkazilib, oktyabr oyida final bosqichi yakunlanadi.

Bugun 2005 yil tarbiyalanuvchilari o'rtasida musobaqasining final uchrashuvi bo'lib o'tdi. Murosasiz va qiziqatli o'tgan final uchrashuvida farg'onaliklar g'alaba qozonishdi.

FINAL

Farg'ona 3:1 Andijon

Gollar: Komilov Murodjon, Dehqonov Abdug'affor (2), Usmanov Azizbek,

Jamoalar quyidagi o'rinlarni egallashdi:

1-o'rin Farg'ona viloyat bolalar-o'smirlar futbol akademiyasi

2-o'rin Andijon viloyat bolalar-o'smirlar futbol akademiyasi

3-o'rin Namangan viloyat bolalar-o'smirlar futbol akademiyasi

3-o'rin Surxondaryo viloyat bolalar-o'smirlar futbol akademiyasi

Musobaqaning yopilish qismida turli nominaciyalarda eng yaxshi deb topilgan futbolchilarga, O'zPFL Bosh direktori Davron Shakurbanov, Respublika futbol bo'yicha sport mahoratini oshirish oliy maktabi direktori Rustam Abdullaevlar, O'zbekiston milliy terma jamoasi Bosh murabbiy yordamchisi Timur Kapadzelar g'olib va sovrindorlarga esdalik sovg'alarni topshirishdi.

Musobaqaning eng yaxshilari quyidagicha:

Eng yaxshi darvozabon – Nazirov Ziyodulloxo'ja (Farg'ona viloyati)

Musobaqa to'purari – Komilov Murodjon (Farg'ona viloyati)

Eng yaxshi o'yinchi – Usmanov Azizbek (Andijon viloyati)

Joriy yilning 8-12 oktyabr kunlari 2004 yilda tug'ilgan tarbiyalanuvchilar musobaqani davom ettirishadi.

Hududiy akademiyalar o'rtasidagi musobaqada Farg'ona g'olib bo'ldi