- Humoyun, siz Oliy ligada debyut mavsumingizni o'tkazmoqdasiz. Oliy liga borasida fikringiz qanday?

Debyut mavsum desak ham bo'ladi. Negaki men "Sho'rtan" jamoasi sharafini himoya qilganimda ham Oliy liga jamoasi bilan birga bo'lganman. O'tgan yili esa birinchi ligadagi "Mashal-2" sharafini himoya qilib to'purarlardan biriga aylandim. Buda jamoaning hissasi katta. Bu yilda "Mashal"ning asosiy tarkibi bosh murabbiyi Aleksandr Xomyakov meni jamoaga jalb etdi va ishonch bildirmoqda. Oliy liga birinchi liga va yoshlar ligasida ko'ra farq qiladi. Bu erda futbolchi maydonda har bir harakati tartib va ishonchga qaratiladi. Birinchi ligada Oliy ligaga o'tish qiyinchilik to'g'diradi. Har ikki liga o'rtasida juda katta farq bor. Umuman olganda mavsumda ko'nglim to'lmoqda deya olmayman.

- Nima uchun ko'nglingiz to'lmayapdi?

Birinchidan jamoamiz o'ziga munosib bo'lmagan pog'ona turibdi. Undan tashqari ko'plab uchrashuvlarda o'z o'yinimdan umuman qoniqmadim. "Lokomotiv"ga qarshi o'yinda gol kiritdim lekin jamoamiz mag'lub bo'ldi. Xuddi shunday "Navbahor"ga gol kiritdim lekin bu g'alaba uchun etarli bo'lmadi. Jamoaga foyda keltirishim uchun bu saviyamdan ko'ra o'sishim kerak. Bildirilgan ishonchni oqlash bu birinchim burchimdir.

- Aleksandr Andreevich hujum chizig'ida sizga katta ishonch bildirmoqda. Ko'plab uchrashuvlarni asosiy tarkibda boshladingiz va hozircha ikkita gol kiritdingiz? Hujumchi uchun bu kam emasmi ?

Birinchi navbatda bosh murabbiyning menga bildirgan ishonchi uchun rahmat aytishim kerak. Bizni jamoaning hujum chizig'ida mahoratli futbolchilar bor. Vladislav Ivanov va Zohir Qo'ziboevdan ko'p narsa o'rgandim va o'rganmoqdaman. Ikkita gol buncha uchrashuvda maydonda harakat qilgandan so'ng juda ham kam. Buni o'zim ham bilaman va men ko'proq statistika uchun gol urishdan ko'ra, golsiz chiqsam ham jamoam g'alabasini istayman. Golni esa kim urishini ahamiyati yo'q.

- Humoyun "Navbahor"ga qarshi uchrashuvda jamoaning g'alabasi uchun nima etishmadi deb o'ylaysiz?

Birinchi navbatdagi omad. Umuman omadsiz o'yinlar bizdan ochkolarni tortib olmoqda. Biz raqibdan kuchli o'yin ko'rsatdik. Omad deb osongina qutilish mumkin lekin bu o'yinlarni ko'rganlar haqiqatdan ochiqchasiga omad bizdan yuz ugirganini anglaydi. Hali vaziyatni o'nglaymiz.

- Oldimizda "Andijon"ga qarshi juda ham ahamiyatli uchrashuv turibdi. Bu o'yin borasida fikrlaringiz qanday ?

"Andijon"ni "Nasaf"ga qarshi so'nggi o'yinini ko'rdik. Raqib haqiqatdan ham mahorat borasida "Nasaf"dan hech qanday qolishmadi. Andijonda bizni juda ham og'ir uchrashuv kutmoqda. Kerakli natijani qo'lga kiritish uchun hammamiz bor imkoniyatimizni ishga solamiz. Bu o'yin biz uchun juda ham muhim. ketma-ket muvaffaqiyacizliklardan chiqib ketish vaqti keldi.

Humoyun Murtozaev: "Burchim - bildirilgan ishonchni oqlash"