Махачқаланинг "Динамо" клуби эронлик янги футболчисини таништирди.

Жамоа эронлик Ҳусайннажодмахаленколай Муҳаммаджавад Рамазонни 900 минг евро эвазига сотиб олди. 21 ёшли футболчи бунгача "Сепахон" клуби шарафини ҳимоя қилган. Эрон клуби сафида ёш иқтидорли ярим ҳимоячи 28 та учрашув ўтказиб улгурган ҳамда 2 та гол уриб, шерилкарига 4 та голли узатма етказиб берган.

Бироқ таништирув маросимида асосий урғу футболчининг талаффуз қилишга қийин ва жуда узун исмига берилди.

Муҳаммаджаваднинг 10-рақамли футболкаси мана бундай кўриниш олган.

Клуб ўзининг телеграм-каналида жамоанинг бошқа футболчилари эронлик спортчининг исм-фамилиясини катта қийинчилик билан талаффуз қилаётгани акс этган видео ҳам юклади. Эътиборлиси, футболчилар ҳам катта эҳтимол жамоанинг янги аъзоси исм-фамилиясини ўша футболкадан ўқишган :)

"Динамо" клубининг расмий хабарига кўра, бевосита ўйинлар учун тайёрланадиган либосда футболчининг елкасида шунчаки Жавад исми бўлади.

Ҳусайннажодмахаленколай Муҳаммаджавад Рамазон — "Динамо"нинг янги футболчисининг исм фамилиясини нечта уринишда ўқидингиз?