Лекин унгача Миржалол Қлосимов шогирдларининг 27 апрелда "Ал Ҳилол" билан ўйини бор. Ўтган тур АГМК "Шабаб Ал Аҳли"ни 2:1 ютганди, кеча 1:3 ютқазди. Ўтган тур "Ал Ҳилол" "Истиқлол"ни 3:1 ютганди, кеча 1:4 ютқазди.

Демак, иккита ўйин натижасига кўра "Шабаб" ва "Истиқлол" ўз рақибларидан кучли экан. "Истиқлол"нинг 4:1 ҳисобдаги ғалабаси мен учун сенсация бўлди. Лекин бу ютуқ Тожикистонда футбол ривожланаётганини кўрсатиб бердими? Бир нарса дейиш қийин. Чунки "Истиқлол" бу - Тожикистон терма жамоаси дегани. Жамоадаги 10та футболчи миллий жамоада ўйнайди. Лекин билишимча, уларда бошқа клублар бу қадар кучли эмас. Ҳамма зўрларни бир жойга йиғиб "Ал Ҳилол"ниям ютса бўлади. Менимча, АГМК кейинги ўйинда "Истиқлол"ни ютади, ҳар ҳолда ички ҳиссиёт шунақа деяпти.

АГМК гуруҳдан чиқа оладими? Агар кейинги иккита ўйинни ютса, ҳа. Аммо бу жуда қийин бўлади. Жамоа "Истиқлол" билан кечган биринчи ўйинда 2:3 ҳисобида мағлуб бўлди. Тахминимча, АГМК учун "Истиқлол"га қараганда "Ал Ҳилол" билан беллашув қийинроқ бўлади. Чунки бу турнирда араблардан ҳар нарса кутиш мумкин. "Истиқлол"ни эса мағлуб этса бўлади. Ҳалиям шу фикрдаман: ўзбекистонлик футболчилар салоҳияти тожик биродарларимизникидан кучли, фақат буни майдонда исботлаш керак. Агар яна ютқазиб қўядиган бўлса, унда бемалол бизда футбол анча ортга кетибди дейиш мумкин. Бундай фикрга келмаслик учун эса АГМК охирги турда ғалаба қозониши шарт.

Ички ҳиссиёт: АГМК иккинчи ўйинда "Истиқлол"ни ютади