Championat.asia sayti futbolchining agenti Ro'zimurod Usmonov bilan bog'landi hamda vaziyatga oydinlik kiritdi.

"Ayni paytda Igor Sergeevga ko'plab qiziqishlar mavjud. Ular orasida Evropa TOP chempionati klublaridan variantlar ham bor. Lekin bu malumotni sir saqlashni maqsad qilgandik, sababi hali muzokaralar ham o'tkazilmagan. Biroq Sergeev haqida malumot chiqib ketgani uchun bunga oydinlik kiritib o'tishga qaror qildik.

"Aktobe" safida ajoyib o'ynayotgan Igor Sergeev Evropaga intilmoqda. Osiyo klublaridan yozgi transfer oynasi uchun aniq takliflar bor, biroq hujumchi etiborni Evropaga qaratmoqda va Osiyodan bo'layotgan takliflarni ko'rib chiqish xohishi yo'qligini bildirdi.

Qishda Sergeevda Ruminiyaning CHFR va "Sepsi" klublaridan aniq taklif va shartnoma bor edi. Bundan tashqari Greciya klubi ham unga qiziqqandi. Biroq pandemik vaziyat tufayli viza chiqishi cho'zilib ketish ehtimoli yuqorligi, bundan tashqari bu chempionatlarda mavsum yakuni va hal qiluvchi palla bo'lgani bois variantlar rad qilindi. Yozgi transfer oynasi vaqtida ham Ruminiya klublari unga taklif bilan chiqishmoqchi. Angliya varianti ham haqiqatga yaqin, lekin endi ishlab chiqilayotgan variantlardan biri hisoblanadi. Agar klubning qiziqishi jiddiy bo'lsa bu borada biz ham jiddiy ish olib boramiz", - deydi Igor Sergeevning agenti championat.asia saytiga.

Sergeev Qozog'istonni zabt eta oladimi?

Igor Sergeevga Angliya klubi qiziqish bildirganmi? Futbolchining agenti bunga oydinlik kiritdi