"Bugungi o'yin strategik jihatdan biz uchun muhim ahamiyat kasb etardi. G'alaba zarur edi. Futbolchilar berilgan ko'rsatmalarni to'liq bajarishdi. O'yinga "So'g'diyona"ni o'rgangan holda tayyorgarlik ko'rgandik. Bizga ishonch bildirayotgan rahbariyatimizga ham katta minnatdorchilik bildiraman. Garchi o'yin muxlislarsiz o'tgan bo'lsa-da, ishonamanki, televizor ortida ko'plab yaypanlik ishqibozlar bizga dalda berib turishibdi. Barchalarini jamoa nomidan tabriklayman",- deydi Igor Shkvirin.

- Humoyun Murtozaev bugun biroz orqaroqda harakat qilgani sizning ko'rsatmangiz bilan bog'liqmi?

- Ha, chunki Sinisha Babich hali tuzalgani yo'q, Sardor Abduraimov ham tayyor emas. Shu bois Humoyunni hujumchi ortida sinab ko'rishga qaror qildik.

- Bugungi uchrashuvda qaysi futbolchi o'zini ko'rsata oldi?

- Men aynan bitta futbolchini ajratib ko'rsatmagan bo'lardim. Barcha futbolchilar ko'rsatmalarni bajarishdi. Maydonda birinchi o'rinda xohish va ishtiyoq yuqori ekanligi ko'rinib turdi. Futbolda qanotlardan tashkil qilingan hujumlar markazdan uyushtirilgan hujumdan ko'ra doim keskinroq bo'ladi. Shuningdek, muxlislarga ham manzur keladi. Bizda qanotda Bilol Toshmirzaev yaxshi o'ynamoqda. Unda dribling bor. Umid qilamanki, bu bizga foyda keltiradi.

- Sunnatilla Abdullajonovning holati qanday?

- Uning jarohati xavfli emas. Bu futbolda bo'lib turadigan holat. Jiddiy narsa yo'q.

- Ayni paytda Superligada qolish uchun quyi o'rinlardagi jamoalar orasida raqobat kuchli kechmoqda. Sizningcha, qaysi jamoalarning Superligadan tushib ketish ehtimoli bor?

- Bu haqda gapirish qiyin. Masalan, kecha "Surxon" "Andijon"ni mag'lub etdi. "Mashal" "Paxtakor" bilan qanday o'ynaganini hamma ko'rdi. Toshkentda durang natijaga erishishi ham mumkin edi. Shunday ekan, hammasi oldinda.

Igor Shkvirin: "Superligadan kim tushib ketadi? Hammasi oldinda"