- O'yin haqida

- "Mashal" qarshi hujumda yaxshi o'ynay oladigan kam sonli jamoalardan biri ekanligini bilardik. Buni bilgan holda ularning himoyasida pressingga o'tmadik va qaysidir manoda ustunlikni berdik. Sariq kartochkalari ortib ketgan va jarohatdagi futbolchilar hisobiga 7 futbolchimiz chetda qoldi. Tanlov bizda katta emasdi, shu bois bugun 2 ta o'zgarishga qo'l urdik. Deyarli bitta tarkib bilan o'yin oxirigacha o'ynadik. Yigitlarga o'yin uchun tashakkur bildiraman. Hozirgi holatdan chiqib ketish uchun bizga har bir ochko muhim. Hali oldimizda o'yinlar ko'p, o'yin sifati ustida ishlashda davom etamiz. Menga bugungidek emas, ko'proq hujumkor futbol yoqadi va bu muxlislarga ham manzur keladi. Umuman olganda, durangga mos o'yin bo'ldi.

- Ikkinchi bo'limda yagona hujumchi o'rniga yarim himoyachini tushirdingiz?

- Jasur Hakimov oyog'i og'riyotganini va oxirigacha o'ynay olmasligini bildirdi. Shuning uchun uni almashtirib, o'rniga yarim himoyachini tushirdik. Hozircha bizda bir nechta hujumchi bor deb bo'lmaydi. Abduxoliqov hali o'z ustida ishlashda davom etishi kerak. Yaypanliklarning qiziqishi meni xursand qildi. Biz futbolni muxlislar uchun o'ynaymiz.

- Jamoa bilan qancha muddatga shartnoma imzolagansiz?

- Yil oxirigacha.

- Sinica Babichda jarohat bormi?

- Kecha mashg'ulotlarda hammani ko'rib chiqdim va o'zaro suhbat qurdim. Ularning statistikasi, tayyorgarligi va o'y-qarashlari bilan tanishib chiqdim. Yakunda kurashga tayyor bo'lgan futbolchilarni maydonga tushirdim.

Igor Shkvirin: "Turon" bilan yil oxirigacha shartnoma tuzganman"