Eldorbek Suyunov va Sherzod Azamov ajoyib natijani qayd etdi. Gap shundaki, bu ikki do'st "Mashal" akademiyasi tarbiyalanuvchisi sanaladi. Qarshining "Nasaf" jamoasida o'zaro birgalikda 7 yilni o'tkazgan futbolchilar O'zbekiston chempionatining kumush hamda 6 marotaba bronza medallariga egalik qilishgan. Shuningdek, O'zbekiston kubogi va O'zbekiston superkubogida g'olib chiqishgan. Xalqaro miqiyosida esa klublar o'rtasidagi OFK Kubogi bosh sovriniga 2011 yili "Nasaf" bilan birgalikda ega chiqqan Suyunov va Azamov joriy mavsum o'z faoliyatida ilk marotaba O'zbekiston chempionligiga ham erishdi. Shuningdek, tarixda ilk bor o'tkazilgan Liga Kubogi g'olibiga aylandi.

Shu tariqa O'zbekistondagi barcha ehtimoliy sovrin va medallarni yutgan bu ikki do'st yutmagan Osiyoda birgina musobaqa qoldi - OCHL.

Eldorbek Suyunov va Sherzod Azamov O'zbekiston chempioni (2019), O'zbekiston Kubogi (2015, 2019) sohibi, O'zbekiston superkubogi (2016), OFK Kubogi (2011) va Liga Kubogi (2019) g'olibiga aylandi va bunday ko'rsatkich qayd etgan dastlabki futbolchilar sanalishadi.

Shuningdek, Suyunov va Azamov "Paxtakor" bilan barcha medallar, yani ketma-ketlikda bronza (2017), kumush (2018) va oltin (2019) medallarini qo'lga kiritishga ulgurdi. Ichki chempionatda esa 2,5 mavsumda "Paxtakor" bilan Superkubokdan boshqa barcha sovrinlarni yutishga ulgurishdi.

O'zbekiston miqiyosida barcha musobaqalar g'olibi va hamma medallarga ega chiqqan bu ikki do'st xalqaro miqiyosida ham OFK chempioni hisoblanadi. Suyunov va Azamov erishmagan yagona cho'qqi - OCHLda esa "Paxtakor" kelasi mavsum yana ishtirok etadi.

Sherzod Azamov ("Paxtakor" markaziy himoyachisi) erishgan yutuqlar:

O'zbekiston chempionati bronza medali sohibi: (7) 2009, 2010, 2013, 2014, 2015, 2016, 2017

O'zbekiston chempionati kumush medali sohibi: (2) 2011, 2018

O'zbekiston chempioni: (1) 2019

O'zbekiston Kubogi sohibi: (2) 2015, 2019

O'zbekiston superkubogi sohibi: (1) 2016

Liga Kubogi sohibi: (1) 2019

OFK Kubogi chempioni: (1) 2011

Eldorbek Suyunov ("Paxtakor" darvozaboni) erishgan yutuqlar:

O'zbekiston chempionati bronza medali sohibi: (5) 2013, 2014, 2015, 2016, 2017

Ikki do'st yutmagan birgina sovrin qoldi