Ispaniyalik sobiq hujumchi Fernando Torres Ispaniya hukumati va Madrid shahri kengashi ustidan sudga murojaat qildi, deb xabar berdi "El Confidencial". U koronavirus pandemiyasi cheklovlari tufayli sport zallari tarmog'iga etkazilgan zarar uchun 800,000 evrodan ko'proq tovon talab qilmoqda.

Eslatib o'tamiz, Fernando Torres "Atletiko" tarbiyalanuvchisi bo'lib, "Liverpul", "Chelsi" va "Milan" klublarida o'ynagan. Shuningdek, "El-Nino" 2010 yilgi jahon chempioni va Evro-2008, Evro-2012 g'olibi sanaladi. Bundan tashqari, Torres – Evropa chempionatining ikki xil finalida gol urgan tarixdagi yagona futbolchi.

Ikki karra Evropa chempioni Ispaniya hukumatini sudga berdi