2022 yil uchun O'zbekistondan 12 ta klub OCHL licenziyasini oldi

Superliga va Pro liga jami 22ta jamoadan 12ta klub OFK licenziyasiga ega bo'ldi. So'nggi yillarda muammoga duch kelayotgan "Nasaf" bu safar licenziyalash ishlarini bajardi. "Nurafshon" ("Buxoro")ning qanday qilib licenziyaga ega chiqqani ko'pchilikni o'ylantirib qo'ydi. Jamoa ikki yildan beri o'z maydonidan foydalana olayotgani yo'q-ku, degan mazmundagi savollarga javob berib o'tishni lozim, deb bildim.

2021 yil klublarni licenziyalash reglamentiga yuzlanamiz.

14-bob. Infratuzilma mezoni
1. Licenziya talabgori O'zPFL hamda OFK musobaqalari doirasidagi uy
uchrashuvlarini o'tkazish uchun stadionga ega bo'lishi zarur. Licenziya talabgori:
a) o'z stadioniga ega bo'lishi lozim; yoki
b)stadion egasi bilan undan foydalanish bo'yicha shartnomaga ega bo'lishlari
zarur. Ushbu shartnoma kelgusi mavsumda ham Licenziya talabgorining
stadiondan foydalanishini kafolatlashi zarur.
2. Stadion quyidagi normativ hujjatlarda belgilangan talablarga javob berishi
lozim:
a) Stadionlar to'g'risidagi Nizom;
b) Musobaqalar Reglamenti.
3. Stadion mavsum oldidan O'zPFL tomonidan belgilangan tartibda
tasdiqlanishi va Licenziya talabgori sharafini himoya qiluvchi shaharda joylashgan
bo'lishi lozim.

Birinchidan, "Nurafshon" ("Buxoro") o'z stadioniga ega. Lekin maydon holati talabga javob bermagani uchun undan foydalana olayotgani yo'q. Reglamentda esa maydon holati bilan bog'liq band kiritilmagan.

Ikkinchidan, stadion Buxoro shahrida joylashgan. O'tgan mavsum esa Muborakda "Mashal" maydonidan foydalangandi (klub 2021 yil uchun licenziya olmagan). Stadion yoritgichlari hozirda 1500 lyuksni tashkil qiladi. Media tribuna, kiyinish xonalari bor. Faqatgina maydon sifatini yaxshilamoqda, xolos.

Aytib o'tish joiz o'tgan yili 2021 yilgi OCHL uchun 7ta klubimiz ("Paxtakor", "Lokomotiv", "Bunyodkor", "Navbahor", "Metallurg", AGMK, "So'g'diyona") OFK kubogi uchun 1ta klubga ("Nasaf") licenziya berilgan edi.

Abdulaziz Iskandarov

Ikki yildan beri o'z maydonida o'ynamayotgan "Nurafshon" qanday qilib OFK licenziyasini oldi?