"Чемпионат форматини ўзгартирмаслик учун охирги уринишимиз Суперлигани марказлашган ҳолатда ўтказиш эди. Август ойида ҳар 3 кунда ўйини ўтказишни режалаштиргандик. Агарда келаётган ойда чемпионатни ўтказа олганимизда форматни ўзгартирмасак ҳам бўларди. Ҳозирги ҳолатда катта эҳтимол форматни ўзгартиришга мажбурмиз. Мен бу ҳақида ўйлаб кўрдим. Лекин, ҳали клублар раҳбарлари, мураббийлари билан маслаҳатлашамиз.

Мени таклифим шундан иборатки, биринчи давра тугагандан сўнг 14та жамоа иккига бўлиб биринчи еттиталикни алоҳида бир давра, иккинчи еттиталикни алоҳида бир давра қилиб ўйнатиш керак. Шунда иккинчи даврада турларимиз икки баробарга камаяди. Бундан бошқа йўл кўрмаяпман. Кимда қанақа таклиф бўлса ўйлаб чиқишга тайёрман. Шу пайтгача мени ҳаёлимга келган нарса шу бўлди. Олтин очколар деган нарса бўлмайди. Клублар жамғарган очколар сақланиб қолинади. Суперлигани форматини ўзгартирадиган бўлсак юқоридаги кўринишда, биз кубокни форматини ўзгартирмасдан ўтказиб олишимиз мумкин",- дейди Диёр Имомхўжаев.

Иккинчи даврада Суперлига формати ўзгариши мумкин